ಕಿರುತೆರೆಗೆ ಎಂಟ್ರಿ ಕೊಟ್ಟ ನಟಿ ಸಪ್ತಮಿ ಗೌಡ

•   Fri, Jan 26 2024 09:40:37 PM



• ಬೆಂಗಳೂರು, ಜ 26 (DaijiworldNews/AA): ಕಾಂತಾರ ಬೆಡಗಿ ಸಪ್ತಮಿ ಗೌಡ ಅವರು ಕಿರುತೆರೆಗೆ ಎಂಟ್ರಿ ನೀಡುತ್ತಿದ್ದು, ಈ ಮೂಲಕ ಅಭಿಮಾನಿಗಳಿಗೆ ಗುಡ್ ನ್ಯೂಸ್ ಕೊಟ್ಟಿದ್ದಾರೆ.

  ಕನ್ನಡ ಸಿನಿಮಾ ಅಷ್ಟೇ ಅಲ್ಲದೆ ಬಾಲಿವುಡ್ ಸಿನಿಮಾದಲ್ಲೂ ಬ್ಯುಸಿಯಾಗಿರುವ ಸಪ್ತಮಿ ಗೌಡ ಅವರು ಇದೀಗ ಕಿರುತೆರೆಗೆ ಕಾಲಿಟ್ಟಿದ್ದಾರೆ. ಹೌದು, ಶ್ರೀರಸ್ತು ಶುಭಮಸ್ತು ಧಾರವಾಹಿಯ ಮೂಲಕ ಕಿರುತೆರೆಗೆ ಪಾದಾರ್ಪಣೆ ಮಾಡಿದ್ದಾರೆ. ಇದೀಗ ಈ ಧಾರವಾಹಿಯ ಮಹಾಸಂಚಿಕೆ ನಡೆಯುತ್ತಿದ್ದು, ಇದರಲ್ಲಿ ವಿಶೇಷ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ.

  ಸಪ್ತಮಿ ಗೌಡ ಅವರು ಶ್ರೀರಸ್ತು ಶುಭಮಸ್ತು ಧಾರವಾಹಿಯ ಪ್ರಚಾರಕ್ಕೆ ಬಂದಿದ್ದು, ಈ ಧಾರವಾಹಿಯ ಪಾತ್ರಗಳ ನಿರೂಪಣೆ ಮಾಡಿರುತ್ತಾರೆ. ಧಾರವಾಹಿಯ ನಾಯಕಿ ತುಳಸಿ ಪಾತ್ರ ನಿಭಾಯಿಸುತ್ತಿರುವ ಸುಧಾರಾಣಿ ಅವರು ಎದುರಾಳಿಯ ಕುತಂತ್ರದಿಂದ ಮನೆಯಿಂದ ಹೊರಹೋಗುತ್ತಾರೆ. ಮುಂದೇನಾಗುತ್ತದೆ? ತುಳಸಿ ಮನೆಗೆ ವಾಪಾಸ್ ಆಗುತ್ತಾಳಾ? ಇವೆಲ್ಲಾ ಈ ಮಹಾಸಂಚಿಕೆಯ ತಿರುವುಗಳಾಗಿದ್ದು, ಇದನ್ನು ನಿರೂಪಣೆ ಮಾಡಲು ನಟಿ ಸಪ್ತಮಿ ಗೌಡ ಅವರು ಧಾರವಾಹಿಗೆ ಎಂಟ್ರಿ ನೀಡಿದ್ದಾರೆ. ಸದ್ಯ ಈ ಸಂಚಿಕೆಯ ಪ್ರೋಮೋ ರಿವೀಲ್ ಆಗಿದ್ದು, ಸಾಕಷ್ಟು ಕುತೂಹಲ ಮೂಡಿಸಿದೆ.