ಇಂಗ್ಲೆಂಡ್​​ ವಿರುದ್ಧದ ಟೆಸ್ಟ್​ ಕ್ರಿಕೆಟ್ ಸರಣಿಗೆ ಸಿದ್ದ

•   Tue, Jan 23 2024 07:13:16 PM



• ಬೆಂಗಳೂರು,ಜ 23(DaijiworldNews/PC): ಟೀಂ ಇಂಡಿಯಾ ಇಂಗ್ಲೆಂಡ್​ ವಿರುದ್ಧದ ಟೆಸ್ಟ್​ ಕ್ರಿಕೆಟ್ ಸರಣಿಗೆ ಸಿದ್ದವಾಗಿದ್ದು. ಈ ವರ್ಷ ರೋಹಿತ್ ಶರ್ಮಾ ಪಡೆ ಆಡ್ತಿರೋ ಮೊದಲ ಟೆಸ್ಟ್ ಸರಣಿ ಇದಾಗಿದೆ.

  ಜನವರಿ 25ರಿಂದ ಹೈದ್ರಾಬಾದ್​ನಲ್ಲಿ ಮೊದಲ ಟೆಸ್ಟ್ ಆರಂಭವಾಗಲಿದೆ.

  ವಿಕೆಟ್‌ ಕೀಪರ್ ಬ್ಯಾಟ್ಸ್‌ಮನ್ ಸ್ಥಾನದಲ್ಲಿ ಕೆ.ಎಸ್ ಭರತ್ ಮತ್ತು ಧೃವ್ ಜುರೆಲ್ ಮಧ್ಯೆ ಕಾಂಪಿಟೇಷನ್ ಏರ್ಪಟ್ಟಿದ್ದು ಈ ಇಬ್ಬರಲ್ಲಿ ಯಾರನ್ನ ಆಡಿಸಬೇಕು ಎನ್ನುವ ಪ್ರಶ್ನೆ ಹುಟ್ಟಿಕೊಂಡಿದೆ.

  ಆದ್ರೆ, ಈ ನಡುವೆ ಕೆ.ಎಸ್ ಭರತ್​ ಭಾರತ A ತಂಡದ ಪರ ಭರ್ಜರಿ ಶತಕ ಸಿಡಿಸಿದ್ದಾರೆ. ಇಂಗ್ಲೆಂಡ್ ಲಯನ್ಸ್ ವಿರುದ್ಧದ ಅನಧಿಕೃತ ಟೆಸ್ಟ್ ಪಂದ್ಯದಲ್ಲಿ ಭರತ್​ ಸೆಂಚುರಿ ಬಾರಿಸಿದ್ದಾರೆ.

  ಇದೇ ಮೊದಲ ಬಾರಿ ಟೀಂ ಇಂಡಿಯಾಗೆ ಆಯ್ಕೆಯಾಗಿರೋ ಧೃವ್​, ಬ್ಯಾಟಿಂಗ್​ & ಬೌಲಿಂಗ್​ ಎರಡರಲ್ಲೂ ಮಿಂಚಬಲ್ಲರು. ಫಸ್ಟ್ ಕ್ಲಾಸ್ ಅಂಕಿಅಂಶಗಳು ವಿಚಾರದಲ್ಲಿ ಭರತ್‌ಗಿಂತ ಧೃವ್ ಮುಂದಿದ್ದಾರೆ.

  ಈವರೆಗು 19 ಇನ್ನಿಂಗ್ಸ್‌ಗಳಲ್ಲಿ ಬ್ಯಾಟ್ ಬೀಸಿ, 46.47ರ ಸರಾಸರಿಯಲ್ಲಿ 790 ರನ್ ಕಲೆಹಾಕಿದ್ದಾರೆ. ಇದ್ರಲ್ಲಿ 1 ಶತಕ ಮತ್ತು 5 ಅರ್ಧಶತಕ ಸೇರಿವೆ. ವಿಕೆಟ್ ಕೀಪಿಂಗ್​ನಲ್ಲೂ ಧೃವ್​ ಉತ್ತಮ ಆಟಗಾರ ಎಂದು ಎನಿಸಿದ್ದಾರೆ.

  ವಿಕೆಟ್ ಕೀಪರ್ ಸ್ಥಾನಕ್ಕಾಗಿ ಧೃವ್ ಮತ್ತು ಭರತ್ ಮಧ್ಯೆ ಪೈಪೋಟಿ ಜೋರಾಗಿದ್ದು ಅನುಭವದ ಆಧಾರದ ಮೇಲೆ ಕೆ.ಎಸ್ ಭರತ್‌ಗೆ ಅವಕಾಶ ಸಿಗುವ ಸಾಧ್ಯತೆಯಿದ್ದು ಭರತ್ ಸರಿಯಾದ ಪ್ರದರ್ಶನವನ್ನು ತೋರದೇ ಇದ್ದರೆ ಭಾರತದ ತಂಡಕ್ಕೆ ಹಿನ್ನಡೆಯಾಗಲಿದೆ.