ವಿಶ್ವಕಪ್ ಸೋತ ಒಂದೂವರೆ ತಿಂಗಳ ಬಳಿಕ ವೈರಲ್ ಆಯ್ತು ಕೊಹ್ಲಿಯ ರಿಯಾಕ್ಷನ್ ವಿಡಿಯೋ

•   Tue, Jan 02 2024 08:55:14 PM



• ಬೆಂಗಳೂರು, ಜ 02 (DaijiworldNews/AA): 2023 ರ ಐಸಿಸಿ ಏಕದಿನ ವಿಶ್ವಕಪ್ ಕ್ರಿಕೆಟ್ ಫೈನಲ್ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಭಾರತ ಸೋತ ಬಳಿಕ ವಿರಾಟ್ ಕೊಹ್ಲಿ ಪ್ರತಿಕ್ರಿಯೆ ನೀಡಿರುವ ವಿಡಿಯೋವೊಂದು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

  ಫೈನಲ್ ಮುಗಿದು ಒಂದೂವರೆ ತಿಂಗಳ ಬಳಿಕ ಪಂದ್ಯ ಸೋತ ಸಂದರ್ಭ ವಿರಾಟ್ ಕೊಹ್ಲಿ ಬೇಸರಗೊಂಡು ನೀಡಿರುವ ಪ್ರತಿಕ್ರಿಯೆ ಈ ವಿಡಿಯೋದಲ್ಲಿದೆ. ವಿಡಿಯೋದಲ್ಲಿ ಒಂದೆಡೆ ಆಸ್ಟ್ರೇಲಿಯಾ ಆಟಗಾರರು ಪಂದ್ಯ ಗೆದ್ದು ಮೈದಾನದಲ್ಲಿ ಸಂಭ್ರಮಿಸುತ್ತಿದ್ದಾರೆ. ಮತ್ತೊಂದೆಡೆ ಕೊಹ್ಲಿ ಸ್ಟಂಪ್ ಗಳ ಕಡೆಗೆ ನಡೆದುಕೊಂಡು ಹೋಗಿದ್ದಾರೆ. ಬಳಿಕ ಕೊಹ್ಲಿ ಬೇಸರದಿಂದ ತಲೆ ಕೆಳಗೆ ಹಾಕಿ ಕೈಯಲ್ಲಿದ್ದ ಕಾಪ್ ನಿಂದ ವಿಕೆಟ್ ಬೇಲ್ಸ್ ಬೀಳಿಸಿದ್ದಾರೆ. ಈ ವಿಡಿಯೋವನ್ನು ಅಭಿಮಾನಿಯೊಬ್ಬರು ಹಂಚಿಕೊಂಡಿದ್ದು, ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

  ಸತತ 10 ಪಂದ್ಯಗಳನ್ನು ಗೆದ್ದು ಫೈನಲ್ ಪ್ರವೇಶಿಸಿದ ಭಾರತ ತಂಡವು ಫೈನಲ್ ನಲ್ಲಿ ಟಾಸ್ ಸೋತು ಬ್ಯಾಂಟಿಗ್ ಪ್ರಾರಂಭಿಸಿತು. ಭಾರತವು 50 ಓವರ್ಗಳಲ್ಲಿ ಕೇವಲ 240 ರನ್ ಗಳಿಸಿತು. ಆದರೆ ಈ ರನ್ ಅನ್ನು ಬೆನ್ನಟ್ಟಿದ ಆಸ್ಟ್ರೇಲಿಯಾ ತಂಡ ಕೇವಲ 43 ಓವರ್ಗಳಲ್ಲಿ 241 ರನ್ ಗಳಿಸಿ ಭಾರತ ತಂಡವನ್ನು ಮಣಿಸಿತು.