ಮುಸ್ಲಿಂ ಲೀಗ್ ಗ್ರೀನ್ ವೈರಸ್ - ಅವರು 'ಅಲಿ' ನಂಬುತ್ತಾರೆ, ನಾವು ಬಜರಂಗ 'ಬಲಿ'​ ನಂಬ್ತೀವಿ - ಸಿಎಂ ಆದಿತ್ಯನಾಥ್

•   Wed, Apr 10 2019 11:08:35 AM



• ಲಖನೌ,ಏ 10(MSP): ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್​ಗೂ ವಿವಾದಾತ್ಮಕ ಹೇಳಿಕೆಗೂ ಬಿಡಲಾರದ ನಂಟು. ಇದೀಗ ಅಂಥದ್ದೇ ಮತ್ತೊಂದು ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ ಸಿಎಂ ಯೋಗಿ. ಮುಸ್ಲಿಂ ಲೀಗ್ ಎನ್ನುವುದು ಗ್ರೀನ್ ವೈರಸ್​ ಇದ್ದ ಹಾಗೆ. ಈ ವೈರಸ್ ದೇಶ ವಿರೋಧಿ ಕೆಲಸ ಮಾಡಲು ಯತ್ನಿಸುತ್ತಿದೆ ಎಂದು ಹೇಳಿಕೆ ನೀಡಿದ್ದಾರೆ.

  

  ಈ ಗ್ರೀನ್​ ವೈರಸ್​ಗೆ ಕಾಂಗ್ರೆಸ್​ ಪಕ್ಷ ಮಾತ್ರವಲ್ಲ, ಇದರೊಂದಿಗೆ ಬಿಎಸ್​ಪಿ, ಎಸ್​ಪಿ, ರಾಷ್ಟ್ರೀಯ ಲೋಕ ದಳವೂ ತುತ್ತಾಗಿದೆ. ಯಾರೆಲ್ಲಾ ಗ್ರೀನ್​ ವೈರಸ್​ ನೊಂದಿಗೆ ಇರುತ್ತಾರೋ ಅವರೆಲ್ಲಾ ದೇಶ ವಿರೋಧಿ ಕೆಲಸ ಮಾಡಲು ಪ್ರಯತ್ನಿಸುತ್ತಿದ್ದಾರೆ. ಕಾಂಗ್ರೆಸ್​, ಸಮಾಜವಾದಿ ಪಕ್ಷ ಹಾಗೂ ಬಹುಜನ ಸಮಾಜವಾದಿ ಪಕ್ಷಕ್ಕೆ ‘ಅಲಿ’ ಮೇಲೆ ವಿಶ್ವಾಸವಿದ್ದರೆ, ನಮಗೆ ಭಜರಂಗ್ ಬಲಿ ಮೇಲೆ ವಿಶ್ವಾಸವಿದೆ ಅಂತಾ ಯೋಗಿ ಆದಿತ್ಯನಾಥ್ ಹೇಳಿದ್ದಾರೆ.

  ಬಿಎಸ್​ಪಿ ವರಿಷ್ಠೆ ಮಾಯಾವತಿ ಮುಸ್ಲಿಂ ಮತ ಸೆಳೆಯಲು ದಲಿತರ ಭಾವನೆಯೊಂದಿಗೆ ಆಟವಾಡುತ್ತಿದ್ದಾರೆ. ಮುಸ್ಲಿಂ ಸಮುದಾಯ ಮತ್ತು ದಲಿತರು ಒಗ್ಗಟ್ಟಾಗಿರಲು ಯಾವತ್ತೂ ಸಾಧ್ಯವಿಲ್ಲ. ಮುಸ್ಲಿಮರು ವಿರೋಧ ಪಕ್ಷಗಳಿಗೆ ಮಾತ್ರ ಮತ ಹಾಕಬೇಕೆಂದು ಮಾಯಾವತಿ ಹೇಳಿದ್ದಾರೆ. ಈ ಮಾತಿನ ಅರ್ಥ ಏನು? ಹಾಗಿದ್ದರೆ ಹಿಂದೂಗಳಿಗೆ ಬಿಜೆಪಿಗೆ ಓಟು ಹಾಕದೆ ಬೇರೆ ದಾರಿಯಿಲ್ಲ ಎಂದು ಮಾಯಾವತಿ ವಿರುದ್ಧ ಯೋಗಿ ಆದಿತ್ಯನಾಥ್ ಕಿಡಿಕಾರಿದ್ದಾರೆ.