ಬಂಗಿ ಜಂಪಿಂಗ್ ವೇಳೆ ತುಂಡಾದ ವಯರ್-ಪವಾಡಸದೃಶ ಬದುಕುಳಿದ ಪ್ರವಾಸಿಗ

•   Fri, Mar 24 2023 03:46:02 PM



• ಪಟ್ಟಾಯ (ಥೈಲ್ಯಾಂಡ್), ಮಾ 24 (DaijiworldNews/DB): ಬಂಗಿ ಜಂಪಿಂಗ್ ವೇಳೆ ವಯರ್ ತುಂಡಾಗಿ ಪ್ರವಾಸಿಗನೊಬ್ಬ ಕೆಳಗಿರುವ ಹೊಳೆಗೆ ಬಿದ್ದ ಘಟನೆ ಥೈಲ್ಯಾಂಡ್‌ನ ಪಟ್ಟಾಯದಲ್ಲಿ ನಡೆದಿದೆ. ಅದೃಷ್ಟವಶಾತ್ ಪ್ರವಾಸಿಗರ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ.

  ಹಾಂಕಾಂಗ್‌ನ ಪ್ರವಾಸಿಗ ಮೈಕ್ ( 39) ಎಂಬಾತ ಥೈಲ್ಯಾಂಡ್‌ನ ಪಟ್ಟಾಯದಲ್ಲಿರುವ ಚಾಂಗ್ಥೈ ಥಪ್ರಾಯ ಅಡ್ವೆಂಚರ್ ಪಾರ್ಕ್‌ಗೆ ಭೇಟಿ ನೀಡಿದ್ದರು. ಈ ವೇಳೆ ಸ್ನೇಹಿತರ ಸವಾಲು ಸ್ವೀಕರಿಸಿ ಬಂಗಿ ಜಂಪಿಂಗ್ ಮಾಡಲು ನಿರ್ಧರಿಸಿದ್ದರು. ಆದರೆ ಜಂಪಿಂಗ್ ವೇಳೆ ವಯರ್ ತುಂಡಾಗಿ ಕೆಳಗಿರುವ ನದಿಗೆ ಬಿದ್ದಿದ್ದಾರೆ.

  ನದಿಗೆ ಬಿದ್ದ ಮೈಕ್ ಅವರನ್ನು ಕೂಡಲೇ ನದಿಯಿಂದ ಮೇಲಕ್ಕೆತ್ತಲಾಗಿದ್ದು, ಆ ವೇಳೆ ಅವರು ಪ್ರಜ್ಞೆ ತಪ್ಪಿದ್ದರು. ಬಳಿಕ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯಲಾಗಿದ್ದು, ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಈ ಭಯಾನಕ ದೃಶ್ಯದ ವೀಡಿಯೋವನ್ನು ಟ್ವಿಟರ್ ಬಳಕೆದಾರರು ಹಂಚಿಕೊಂಡಿದ್ದಾರೆ.

  ¡De terror! Turista brinca del bungee y se rompe la cuerda; Las imágenes se viralizaron esta semana, tras ser difundidas por hk01. Más detalles aquí: https://t.co/HAQpmfoYNn #Viral pic.twitter.com/f9lWJqiuOA

  — Plano Informativo (@Planoinforma) March 24, 2023