ಕಾಸರಗೋಡು, ಅ 20 : ಉದುಮ ಗ್ರೀನ್ ವುಡ್ ಟ್ರಸ್ಟ್ ನ ಆರನೇ ಬಿ.ಕೆ. ಮಾಸ್ಟರ್ ಪ್ರಶಸ್ತಿಗೆ ಹರೇಕಳ ಹಾಜಬ್ಬ ಮತ್ತು ಶಿಕ್ಷಕಿ ಸರೋಜಿನಿ ಬಾಯಿ ಆವರನ್ನು ಆಯ್ಕೆ ಮಾಡಲಾಗಿದೆ. ಶಿಕ್ಷಣ ಕ್ಷೇತ್ರಕ್ಕೆ ನೀಡಿದ ಕೊಡುಗೆಯನ್ನು ಮನಗಂಡು ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ ಎಂದು ಶಾಲೆಯ ಮುಖ್ಯಸ್ಥ ಸಲಿಂ ಪೊನ್ನಂಬತ್ ಹೇಳಿದ್ರು. ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಶಿಕ್ಷಣ ವಲಯಕ್ಕೆ ಹರೇಕಳ ಹಾಜಬ್ಬ ನೀಡಿದ ಕೊಡುಗೆಯು ವಿಶ್ವಕ್ಕೆ ಮಾದರಿ. ಹಣ್ಣು ಹಂಪಲು ಮಾರಾಟ ಮಾಡಿ ಶಾಲೆಯೊಂದನ್ನು ನಿರ್ಮಿಸುವ ಮೂಲಕ ಮಾದರಿಯಾಗಿರುವ ಹಾಜ ಅವರ ಸೇವೆಯನ್ನು ಮನಗಂಡು ಅವರನ್ನು ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ .35 ವರ್ಷಗಳ ಕಾಲ ಚಿನ್ಮಯ ಶಾಲೆಯಲ್ಲಿ ಶಿಕ್ಷಕಿಯಾಗಿ ಇದೀಗ ಗ್ರೀನ್ ವುಡ್ ಶಾಲೆಯ ಸೇವೆಸಲ್ಲಿಸುತ್ತಿರುವ ಸರೋಜಿನಿ ಬಾಯಿ ಯವರ ಸೇವೆ ಮನಗಂಡು ಇವರನ್ನು ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ. ಅಕ್ಟೊಬರ್ 21 ರಂದು ಬೆಳಿಗ್ಗೆ 11.30 ಕ್ಕೆ ಶಾಲಾ ಸಭಾಂಗಣದಲ್ಲಿ ನಡೆಯುವ ಸಮಾರಂಭದಲ್ಲಿ ಸಂಸದ ಪಿ . ಕರುಣಾಕರನ್ ಪ್ರಶಸ್ತಿ ಪ್ರಧಾನ ಮಾಡಲಿದ್ದಾರೆ ಎಂದು ತಿಳಿಸಿದರು.
ಚಾನಲ್ ಫಾಲೋ ಮಾಡಿ
