ಮೊಬೈಲ್‌ ಸ್ಫೋಟಗೊಂಡು ಬೆಂಕಿ ಅವಘಡ - ತಾಯಿ, ಅವಳಿ ಮಕ್ಕಳ ದಾರುಣ ಸಾವು

•   Mon, Aug 10 2020 05:12:09 PM



• ಕರೂರು, ಆ. 10 (DaijiworldNews/MB) : ಫೋನ್‌ ಸ್ಪೋಟಗೊಂಡು ಮನೆಯಲ್ಲಿ ಬೆಂಕಿ ಹತ್ತಿಕೊಂಡು ತಾಯಿ ಹಾಗೂ ಇಬ್ಬರು ಅವಳಿ ಮಕ್ಕಳು ದಾರುಣವಾಗಿ ಸಾವನ್ನಪ್ಪಿದ ಘಟನೆ ಜಿಲ್ಲೆಯ ರಾಯನೂರು ಗ್ರಾಮದಲ್ಲಿ ನಡೆದಿದೆ.

  

  ಮೃತರನ್ನು ಮುತ್ತುಲಕ್ಷ್ಮಿ ಹಾಗೂ ಅವರ ಮೂರು ವರ್ಷದ ಅವಳಿ ಮಕ್ಕಳು ದೀಕ್ಷಿತ್ ಮತ್ತು ರಕ್ಷಿತ್ ಎಂದು ಗುರುತಿಸಲಾಗಿದೆ.

  ಸೋಮವಾರ ಮುಂಜಾನೆ ಮನೆಯ ಒಳಗಿಂದ ಹೊಗೆ ಬರುತ್ತಿರುವುದನ್ನು ಗಮನಿಸಿದ ನೆರೆಹೊರೆಯವರು ಮನೆಗೆ ಹೋಗಿ ನೋಡಿದಾಗ ಘಟನೆ ಬೆಳಕಿಗೆ ಬಂದಿದ್ದು ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

  ಸುಟ್ಟು ಹೋಗಿರುವ ಫೋನ್‌ನ್ನು ವಶಕ್ಕೆ ಪಡೆದುಕೊಂಡಿರುವ ಪೊಲೀಸರು ಫೋನ್‌ ಸ್ಪೋಟಗೊಂಡು ಈ ಅವಘಡ ಸಂಭವಿಸಿರಬಹುದು. ಹಾಗೆಯೇ ಮುತ್ತುಲಕ್ಷ್ಮಿ ಅವರು ಬಹಳ ಸಾಲದ ಬಾಧೆಯಿಂದ ಫೋನ್‌ ಸ್ಫೋಟಗೊಳಿಸಿ ಆತ್ಮಹತ್ಯೆ ಮಾಡಿಕೊಂಡಿರಬಹುದು ಎಂದು ಶಂಕೆ ವ್ಯಕ್ತಪಡಿಸಿದ್ದಾರೆ.