'ಯುಪಿಯಲ್ಲಿ ಕೊರೊನಾ, ಅಪರಾಧ ನಿಯಂತ್ರಣದಲ್ಲಿಲ್ಲ, ಜಂಗಲ್‌‌ ರಾಜ್‌‌ ನಿರ್ಮಾಣವಾಗುತ್ತಿದೆ' - ಪ್ರಿಯಾಂಕ ಕಿಡಿ

•   Sat, Aug 01 2020 01:19:20 PM



• ಲಖನೌ, ಆ 01 (DaijiworldNews/PY): ಉತ್ತರ ಪ್ರದೇಶದಲ್ಲಿ ಕೊರೊನಾ ಹಾಗೂ ಅಪರಾಧ ನಿಯಂತ್ರಣದಲ್ಲಿಲ್ಲ. ಜಂಗಲ್‌‌ ರಾಜ್‌‌ ಪರಿಸ್ಥಿತಿ ನಿರ್ಮಾಣವಾಗುತ್ತಿದೆ ಎಂದು ಕಾಂಗ್ರೆಸ್‌ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕ ಗಾಂಧಿ ವಾದ್ರಾ ಕಿಡಿಕಾರಿದ್ದಾರೆ.

  

  ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, ಉತ್ತರ ಪ್ರದೇಶದಲ್ಲಿ ಜಂಗಲ್‌‌‌‌‌‌‌ ರಾಜ್‌‌‌‌‌‌‌‌ ಪರಿಸ್ಥಿತಿ ನಿರ್ಮಾಣವಾಗುತ್ತಿದ್ದು, ಕೊರೊನಾ ಹಾಗೂ ಅಪರಾಧಗಳು ನಿಯಂತ್ರಣದಲ್ಲಿಲ್ಲ. 8 ದಿನಗಳ ಹಿಂದೆ ಬುಲಂದರ್‌ಶಹರ್‌‌‌ನಲ್ಲಿ ಶ್ರೀ ಧರ್ಮೇಂದ್ರ ಚೌಧರಿ ಅವರನ್ನು ಅಪಹರಣ ಮಾಡಲಾಗಿತ್ತು. ನಿನ್ನೆ ಅವರ ಶವ ಪತ್ತೆಯಾಗಿದೆ. ಅಲ್ಲದೇ, ಕಾನ್ಪುರ ಸೇರಿದಂತೆ ಗೋರಖ್‌‌‌ಪುರ ಹಾಗೂ ಬುಲಂದ್‌‌‌‌ಶಹರ್‌‌ನಲ್ಲಿ ನಡೆಯುವ ಪ್ರತಿ ಘಟನೆಯಲ್ಲೂ ಕಾನೂನು ಹಾಗೂ ಸುವ್ಯವಸ್ಥೆ ಇಲ್ಲ. ಈ ಕಾರಣದಿಂದ ಜಂಗಲ್‌ ರಾಜ್‌‌‌‌‌‌‌ ನಿರ್ಮಾಣವಾಗುವ ಗುರುತುಗಳು ಕಂಡುಬರುತ್ತವೆ. ಇನ್ನೂ ಎಷ್ಟು ದಿನಗಳವರೆಗೆ ಸರ್ಕಾರ ನಿದ್ರಿಸುತ್ತದೆ ಎಂದು ತಿಳಿಯಬೇಕು ಎಂದಿದ್ದಾರೆ.

  ಬುಲಂದರ್‌‌‌‌ಶಹರ್‌‌‌‌‌‌‌‌‌‌ ವಕೀಲ ಧರ್ಮೇಂದ್ರ ಚೌಧರಿ ಅವರು ಜುಲೈ 25ರಂದು ನಾಪತ್ತೆಯಾಗಿದ್ದರು. ಇದಾದ ಬಳಿಕ ಜುಲೈ 31ರಂದು ಅವರ ಮೃತದೇಹ ನಗರದಲ್ಲಿ ಪತ್ತೆಯಾಗಿದ್ದು, ಈ ವಿಚಾರದ ಬಗ್ಗೆ ಪ್ರಿಯಾಂಕ ಗಾಂಧಿ ಉತ್ತರ ಪ್ರದೇಶ ಸರ್ಕಾರದ ವಿರುದ್ದ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

  उप्र में जंगलराज फैलता जा रहा है।
  क्राइम और कोरोना कंट्रोल से बाहर है।
  
  बुलंदशहर में श्री धर्मेन्द्र चौधरी जी का 8 दिन पहले अपहरण हुआ था। कल उनकी लाश मिली।
  
  कानपुर, गोरखपुर, बुलंदशहर। हर घटना में कानून व्यवस्था की सुस्ती है और जंगलराज के लक्षण हैं।
  
  पता नहीं सरकार कब तक सोएगी?

  — Priyanka Gandhi Vadra (@priyankagandhi) August 1, 2020