ರಾಮ ಮಂದಿರ ಶಿಲಾನ್ಯಾಸಕ್ಕೂ ಮುನ್ನ ಅಯೋಧ್ಯೆಯ ಪ್ರಮುಖ ಅರ್ಚಕರೊಬ್ಬರಿಗೆ ಕೊರೊನಾ ದೃಢ

•   Thu, Jul 30 2020 03:20:13 PM



• ನವದೆಹಲಿ‌, ಜು 30 (DaijiworldNews/PY): ಅಯೋಧ್ಯೆಯ ಶ್ರೀರಾಮ ಮಂದಿರದ ಶಿಲಾನ್ಯಾಸ ಕಾರ್ಯಕ್ರಮಕ್ಕೆ ಇನ್ನು ಕೆಲವೇ ದಿನಗಳು ಬಾಕಿಯಿದ್ದು ಈ ನಡುವೆ ರಾಮ ಜನ್ಮಭೂಮಿಯ ಪ್ರಮುಖ ಅರ್ಚರೊಬ್ಬರಿಗೆ ಕೊರೊನಾ ಸೋಂಕು ದೃಢಪಟ್ಟಿದೆ.

  

  ಕೊರೊನಾ ದೃಢಪಟ್ಟ ಅರ್ಚಕರು ರಾಮ ಜನ್ಮಭೂಮಿ ಸ್ಥಳದಲ್ಲಿರುವ ಶ್ರೀರಾಮನ ಮೂರ್ತಿಗೆ ಪೂಜೆ ಸಲ್ಲಿಸುವ ನಾಲ್ವರು ಅರ್ಚಕರ ತಂಡದ ಪ್ರಮುಖ ಸದಸ್ಯರಾಗಿದ್ದು, ಇವರನ್ನು ಸದ್ಯ ಹೋಂ ಕ್ವಾರಂಟೈನ್‌‌ನಲ್ಲಿ ಇರಿಸಲಾಗಿದೆ.

  ಆಗಸ್ಟ್‌ 5ರಂದು ನಡೆಯುವ ಶಿಲಾನ್ಯಾಸ ಕಾರ್ಯಕ್ರಮದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಭಾಗವಹಿಸುತ್ತಿರುವ ನಿಟ್ಟಿನಲ್ಲಿ ಬಿಗಿ ಭದ್ರತೆ ಮಾಡಲಾಗಿದೆ. ಇನ್ನು ಸಮಾರಂಭಕ್ಕೆ ಉತ್ತರ ಪ್ರದೇಶದ ಸಿಎಂ ಯೋಗಿ ಆದಿತ್ಯನಾಥ್‌‌ ಸೇರಿದಂತೆ 200 ಗಣ್ಯರು ಭಾಗವಹಿಸಲಿದ್ದಾರೆ.