ಬಿಮ್ಸ್‌ ಆಸ್ಪತ್ರೆಯಲ್ಲಿ ಆಕ್ಸಿಜನ್‌ ಸಿಲಿಂಡರ್‌ ಸ್ಪೋಟ - ಮೂವರಿಗೆ ಗಾಯ

•   Sun, Jul 26 2020 07:06:13 PM



• ಬೆಳಗಾವಿ, ಜು 26 (DaijiworldNews/PY): ಬಿಮ್ಸ್‌‌‌ ಆಸ್ಪತ್ರೆಯ ತುರ್ತು ನಿಗಾ ಘಟಕದಲ್ಲಿ ಭಾನುವಾರ ಆಕ್ಸಿಜನ್‌‌ ಸಿಲಿಂಡರ್‌‌ ಸ್ಪೋಟಗೊಂಡ ಪರಿಣಾಮ ಮೂವರು ಗಾಯಗೊಂಡಿದ್ದಾರೆ.

  

  ತೀವ್ರ ನಿಗಾ ಘಟಕದಲ್ಲಿ ಆಕ್ಸಿಜನ್‌ ಸಿಲಿಂಡರ್‌‌ ಬದಲಾಯಿಸುತ್ತಿರುವ ಸಂದರ್ಭ ತಾಂತ್ರಿಕ ದೋಷದ ಕಾರಣ ಸಿಲಿಂಡರ್‌‌ ಸ್ಪೋಟಗೊಂಡಿದೆ. ಪರಿಣಾಮ ಸಿಲಿಂಡರ್‌ ಅಳವಡಿಸುತ್ತಿದ್ದ ಓರ್ವ ವೈದ್ಯ ಸೇರಿದಂತೆ, ನರ್ಸ್‌ ಹಾಗೂ ವಾರ್ಡ್‌ ಬಾಯ್‌ ಗಾಯಗೊಂಡಿದ್ದು, ಮೂವರಿಗೆ ಚಿಕಿತ್ಸೆ ನೀಡಲಾಗುತ್ತಿದೆ.

  ಆಕ್ಸಿಜನ್‌ ಸಿಲಿಂಡರ್‌ ಸ್ಪೋಟಗೊಂಡ ಸಂದರ್ಭ ಬೆಂಕಿ ಕಾಣಿಸಿಕೊಂಡಿದ್ದು, ತೀವ್ರ ನಿಗಾ ಘಟಕದಲ್ಲಿದ್ದ ಮೂವರು ಪಿಪಿಇ ಕಿಟ್‌ ಧರಿಸಿದ್ದ ಕಾರಣ ಬೆಂಕಿ ಹತ್ತಿಕೊಂಡಿದೆ. ತಕ್ಷಣವೇ ಆಸ್ಪತ್ರೆಯ ಸಹೋದ್ಯೋಗಿಗಳು ಬೆಂಕಿ ನಂದಿಸಿದ್ದಾರೆ.