20 ವರ್ಷದ ಹಿಂದಿನ ಫೋಟೋವನ್ನು ಹಂಚಿಕೊಂಡ ದೀಪಿಕಾ ಪಡುಕೋಣೆ

•   Sat, May 16 2020 04:48:15 PM



• ಮುಂಬೈ, ಮೇ 16 (DaijiworldNews/PY) : ನೆನಪುಗಳನ್ನು ಮತ್ತೆ ಮತ್ತೆ ನೆನಪು ಮಾಡುಕೊಳ್ಳುವುದೇ ಒಂದು ರೀತಿಯಾದ ಖುಷಿಯ ಸಂಗತಿ. ಬಾಲಿವುಡ್‌ ನಟಿ ದೀಪಿಕಾ ಪಡುಕೋಣೆ ತಮ್ಮ 20 ವರ್ಷದ ಹಿಂದಿನ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ಧಾರೆ.

  

  2000 ಇಸವಿಯ ಜನವರಿ 1ರಂದು ಬಾಲಿವುಡ್​ ನಟ ಆಮೀರ್​ ಖಾನ್​, ಪ್ರಕಾಶ್​ ಪಡುಕೋಣೆ ದೀಪಿಕಾ ಪಡುಕೋಣೆ ಅವರ ತಂದೆಯ ಮನೆಗೆ ಆಗಮಿಸಿದ್ದರು. ಆ ಸಂದರ್ಭ ಅಮೀರ್‌ ಖಾನ್‌ ಅವರು ಪ್ರಕಾಶ್‌ ಅವರ ಮನೆಯಲ್ಲಿ ಮೊಸರನ್ನ ಮಾಡಿದ್ದರು. ಈ ಫೋಟೋದಲ್ಲಿ ದೀಪಿಕಾ ಅಮೀರ್‌ ಖಾನ್‌ ಅವರ ಪಕ್ಕದಲ್ಲಿ ಕುಳಿತ್ತಿದ್ದಾರೆ. ಫೋಟೋದಲ್ಲಿ ದೀಪಿಕಾ ತಾಯ ಉಜ್ವಲ ಪಡುಕೋಣೆ, ತಂಗಿ ಅನಿಷಾ ಪಡುಕೋಣೆ, ಪ್ರಕಾಶ ಪಡುಕೋಣೆ ಗ್ರೂಪ್‌ ಫೋಟೋಕ್ಕೆ ಪೋಸ್‌ ನೀಡಿದ್ದಾರೆ.

  ಈ ಬಗ್ಗೆ ಹೇಳಿರುವ ದೀಪಿಕಾ ಪಡುಕೋಣೆ. ಈ ಫೋಟೋ ತೆಗೆಯುವ ಸಂದರ್ಭ ನನಗೆ ಕೇವಲ 13 ವರ್ಷ ವಯಸ್ಸು. ಆ ವೇಳೆ ನನಗೆ ತುಂಬಾ ಹೊಟ್ಟೆ ಹಸಿವಾಗಿತ್ತು ಎಂದು ಹೇಳಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಈ ಫೋಟೋಕ್ಕೆ ಹಲವಾರು ಕಮೆಂಟ್‌ಗಳು ಬಂದಿದ್ದು, ಒಮ್ಮೆಯಾದರೂ ತೆರೆಮೇಲೆ ಒಟ್ಟಿಗೆ ಕಾಣಿಸಿಕೊಳ್ಳಿ ಎಂದು ನೆಟ್ಟಿಗರು ಕಮೆಂಟ್‌ ಮಾಡಿದ್ದು, ಸಿನಿಮಾದಲ್ಲಿ ನಿಮ್ಮಿಬ್ಬರನ್ನು ನೋಡಬೇಕು ಎಂದು ನೆಟ್ಟಿಗರು ಪ್ರತಿಕ್ರಿಯಿಸಿದ್ದಾರೆ.