ಯುಎಇ ಗೆ ಮಲೇರಿಯಾ ಔಷಧ ಪೂರೈಕೆಗೆ ಭಾರತ ಸಮ್ಮತಿ

•   Sun, Apr 19 2020 03:43:16 PM



• ನವದೆಹಲಿ, ಎ.19 (Daijiworld News/MB) : ಕೊರೊನಾ ಚಿಕಿತ್ಸೆಗಾಗಿ ಬಳಸುವ ಮಲೇರಿಯಾ ಔಷಧ ಹೈಡ್ರೊಕ್ಸಿಕ್ಲೋರೊಕ್ವಿನ್‌ ಮಾತ್ರೆಗಳನ್ನು ಯುನೈಟೆಡ್ ಅರಬ್ ಎಮಿರೇಟ್ಸ್‌ಗೆ(ಯುಎಇ) ಪೂರೈಕೆ ಮಾಡಲು ಭಾರತ ನಿರ್ಧರಿಸಿದೆ ಎಂದು ನವದೆಹಲಿಯಲ್ಲಿರುವ ಗಲ್ಫ್ ಅರಬ್ ರಾಜ್ಯಗಳ ರಾಯಭಾರಿ ಕಚೇರಿ ತಿಳಿಸಿರುವುದಾಗಿ ವರದಿಯಾಗಿದೆ.

  

  ಭಾರತವು ಮಲೇರಿಯಾ ಔಷಧ ರಫ್ತಿಗೆ ಈ ಮೊದಲು ನಿಷೇಧ ಹೇರಿದ್ದು ಈ ಔಷಧ ಕೊರೊನಾ ವೈರಸ್‌ ಸೋಂಕಿತರ ಚಿಕಿತ್ಸೆಗೆ ಉಪಕಾರಿಯಾಗುತ್ತದೆ ಇದನ್ನು ರಫ್ತು ಮಾಡಬೇಕೆಂದು ಹಲವು ದೇಶಗಳು ಮನವಿ ಮಾಡಿದ್ದವು.

  ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಈ ಔಷಧ ಪರಿಣಾಮಕಾರಿಯಾಗುವ ಸಾಧ್ಯತೆಯಿದೆ ಎಂದು ಹೇಳಿದ್ದು ಭಾರತ ಸರ್ಕಾರಕ್ಕೆ ಒತ್ತಡ ಹೇರಿದ್ದರು. ಆ ಬಳಿಕ ಭಾರತವೂ ಹಲವು ಔಷಧಗಳ ರಫ್ತಿನ ಮೇಲಿನ ನಿರ್ಬಂಧವನ್ನು ಸಡಿಲಗೊಳಿಸಿತ್ತು.

  ಭಾರತವು ಇನ್ನು ಹಲವು ದೇಶಗಳಿಗೆ ಈ ತಿಂಗಳಲ್ಲಿ ಈ ಔಷಧವನ್ನು ರಫ್ತು ಮಾಡಲಿದೆ ಎಂದು ಹೇಳಲಾಗಿದೆ.

  5.5 ಮಿಲಿಯನ್‌ ಮಾತ್ರೆಗಳನ್ನು ಯುಎಇಗೆ ಕೊರೊನಾ ಚಿಕಿತ್ಸೆಗಾಗಿ ಕಳುಹಿಸಿಕೊಡಲಾಗುತ್ತಿದೆ ಎಂದು ರಾಯಭಾರಿ ಕಚೇರಿ ಶನಿವಾರ ತಿಳಿಸಿದೆ.

  ಈಗಾಗಲೇ ಅಮೆರಿಕ, ಮಾರಿಷಸ್‌, ಸೀಶೆಲ್ಸ್‌ ದೇಶಗಳಿಗೆ ಈ ಮಾತ್ರೆಯನ್ನು ರಫ್ತು ಮಾಡಲಾಗಿದೆ.