ಕೊರೊನಾ - ಪಾಕಿಸ್ತಾನದಲ್ಲಿ 803 ಜನರಿಗೆ ಸೋಂಕು, ಮೃತಪಟ್ಟವರ ಸಂಖ್ಯೆ 6ಕ್ಕೆ ಏರಿಕೆ

•   Tue, Mar 24 2020 04:18:46 PM



• ಇಸ್ಲಾಮಾಬಾದ್, ಮಾ.24 (DaijiworldNews/PY) : ಪಾಕಿಸ್ತಾನದಲ್ಲಿ ಕಳೆದ 24 ಗಂಟೆಯಲ್ಲಿ 150 ಹೊಸ ಕೊರೊನಾ ವೈರಸ್‌ ಪ್ರಕರಣಗಳು ದೃಢಪಟ್ಟಿದ್ದು, ಕೊರೊನಾ ಸೋಂಕು ಪೀಡಿತರ ಸಂಖ್ಯೆ 803ಕ್ಕೆ ಏರಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

  

  ವೈದ್ಯರೊಬ್ಬರು ಉತ್ತರ ಗಿಲ್ಗಿಟ್ ಬಾಲ್ಟಿಸ್ತಾನ್ ಪ್ರದೇಶದಲ್ಲಿ ಮೃತಪಟ್ಟಿದ್ದು, ಮಾರಣಾಂತಿಕ ಕೊರೊನಾ ವೈರಸ್‌ಗೆ ಮೃತಪಟ್ಟವರ ಸಂಖ್ಯೆ 6ಕ್ಕೆ ಏರಿದೆ. ಫೆಡರಲ್ ಆರೋಗ್ಯ ಸಚಿವಾಲಯದ ಮಾಹಿತಿ ಪ್ರಕಾರ, 352 ಕೊರೊನಾ ವೈರಸ್‌ ಪ್ರಕರಣವು ದಕ್ಷಿಣ ಸಿಂಧ್ ಪ್ರಾಂತ್ಯದಲ್ಲಿ ದೃಢಪಟ್ಟಿದೆ.

  ಪಂಜಾಬ್ ಪ್ರಾಂತ್ಯದಲ್ಲಿ 225, ವಾಯುವ್ಯ ಖೈಬರ್ ಪಖ್ತುನ್ ಖಾವಾ ಪ್ರಾಂತ್ಯದಲ್ಲಿ 31, ಪಶ್ಚಿಮ ಬಲೂಚಿಸ್ತಾನ್ ಪ್ರಾಂತ್ಯದಲ್ಲಿ 108, ಗಿಲ್ಗಿಟ್ ಬಾಲ್ಟಿಸ್ತಾನ್ 71, ಇಸ್ಲಾಮಾಬಾದ್ 15, ಆಜಾದ್ ಜಮ್ಮು-ಕಾಶ್ಮೀರ ಪ್ರದೇಶದಲ್ಲಿ ಒಂದು ಪ್ರಕರಣ ದೃಢಪಟ್ಟಿರುವುದಾಗಿ ವರದಿ ತಿಳಿಸಿದೆ.