ವಿಶ್ವಕಪ್ ಟೂರ್ನಿ ಆಡ್ತೀವಿ, ಭಾರತದ ವಿರುದ್ಧ ಆಡಲ್ಲ ಎಂದ ಪಾಕಿಸ್ತಾನ

•   Sun, Feb 01 2026 10:47:55 PM



• ಇಸ್ಲಾಮಾಬಾದ್, ಫೆ. 01 (DaijiworldNews/AA): ಮುಂಬರುವ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಭಾಗವಹಿಸಲು ಪಾಕಿಸ್ತಾನ ಸರ್ಕಾರ ತನ್ನ ದೇಶದ ಅನುಮತಿ ನೀಡಿದೆ. ಆದರೆ ಫೆಬ್ರವರಿ 15 ರಂದು ನಿಗದಿಯಾಗಿರುವ ಭಾರತದ ವಿರುದ್ಧದ ಲೀಗ್ ಪಂದ್ಯವನ್ನ ಬಹಿಷ್ಕರಿಸಲು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ತಿಳಿಸಿದೆ.

  ಈ ಬಗ್ಗೆ ತನ್ನ ಸೋಷಿಯಲ್ ಮೀಡಿಯಾ ಖಾತೆಯಲ್ಲಿ ಹಂಚಿಕೊಂಡಿರುವ ಪಾಕ್ ಕ್ರಿಕೆಟ್ ಮಂಡಳಿ, "ಭಾರತ ಮತ್ತು ಪಾಕ್ ತಂಡಗಳು ಶ್ರೀಲಂಕಾದ ಕೊಲಂಬೊದಲ್ಲಿ ಗ್ರೂಪ್ 'ಎ' ಹಂತದ ಪಂದ್ಯದಲ್ಲಿ ಮುಖಾಮುಖಿಯಾಗಬೇಕಿತ್ತು. ಆದ್ರೆ ಬಾಂಗ್ಲಾ ವಿಚಾರದಲ್ಲಿ ಮೂಗು ತೂರಿಸಿದ ಪಾಕ್ ಈಗ ಭಾರತದ ವಿರುದ್ಧದ ಪಂದ್ಯವನ್ನ ಬಹಿಷ್ಕರಿಸುವುದಾಗಿ ಗೊಡ್ಡು ಬೆದರಿಕೆಯೊಡ್ಡಿದೆ" ಎಂದು ಪ್ರಕಟಿಸಿದೆ.

  'ಭದ್ರತಾ ಕಾಳಜಿ' ಕಾರಣ ನೀಡಿ ಬಾಂಗ್ಲಾದೇಶವು ಭಾರತದಿಂದ ತನ್ನ ಪಂದ್ಯಗಳನ್ನ ಸ್ಥಳಾಂತರಿಸುವಂತೆ ಐಸಿಗೆ ಮನವಿ ಮಾಡಿತ್ತು. ಆದರೆ ಡೆಡ್‌ಲೈನ್ ಒಳಗೆ ಒಮ್ಮತಕ್ಕೆ ಬಾರದಿದ್ದ ಹಿನ್ನೆಲೆ ಬಾಂಗ್ಲಾದೇಶ ತಂಡವನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ ಟೂರ್ನಿಯಿಂದಲೇ ಹೊರದಬ್ಬಿ, ಸ್ಕಾಟ್‌ಲೆಂಡ್‌ಗೆ ಅವಕಾಶ ಮಾಡಿಕೊಟ್ಟಿತು. ಬಾಂಗ್ಲಾ ನಿರ್ಧಾರವನ್ನ ಬೆಂಬಲಿಸಿದ್ದ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಟೂರ್ನಿಯನ್ನ ಬಹಿಷ್ಕರಿಸುವುದಾಗಿ ಹೇಳಿತ್ತು. ಆದರೆ ಐಸಿಸಿ ಎಚ್ಚರಿಕೆ ನೀಡಿದ ಬೆನ್ನಲ್ಲೇ ಟೂರ್ನಿ ಆಡಲು ಪಾಕ್ ಮುಂದಾಗಿದೆ.