ಯೂಟ್ಯೂಬ್ ಸಹಾಯದಿಂದಲೇ UPSC ಪಾಸ್ ಮಾಡಿದ ಆಕಾಂಕ್ಷಾ ಅವರ ಸ್ಪೂರ್ತಿದಾಯ ಕಥೆ

•   Sun, Jun 07 2026 07:17:57 AM



• ಬಿಹಾರ, ಜೂ. 07 (DaijiworldNews/AK): 2023ರ ಬ್ಯಾಚ್ ನ ಐಎಎಸ್ ಅಧಿಕಾರಿ ಡಾ.ಆಕಾಂಕ್ಷಾ ಆನಂದ್ ಯಾವುದೇ ತರಬೇತಿ ಪಡೆಯದೇ UPSC ತೇರ್ಗಡೆಯಾಗಿದ್ದಾರೆ. ಮನೆಯಲ್ಲಿಯೇ ಸ್ವಯಂ ಅಧ್ಯಯನ ಹಾಗೂ ಯೂಟ್ಯೂಬ್ ಸಹಾಯದಿಂದ ಕಠಿಣ ಪರೀಕ್ಷೆಯನ್ನು ಭೇದಿಸಿದ್ದಾರೆ. ಅವರ ಸ್ಪೂರ್ತಿದಾಯಕ ಸ್ಟೋರಿ ತಿಳಿಯೋಣ.

  

  ಐಎಎಸ್ ಆಕಾಂಕ್ಷಾ ಆನಂದ್ ಬಿಹಾರದ ಪಾಟ್ನಾ ನಿವಾಸಿ. ಅವರ ತಾಯಿ ಶಿಕ್ಷಕಿ ಮತ್ತು ತಂದೆ ಆರೋಗ್ಯ ಇಲಾಖೆಯಲ್ಲಿ ಗುಮಾಸ್ತ. ಅವರ ತಾಯಿಗೆ ತನ್ನ ಮಗಳು ಐಎಎಸ್ ಅಧಿಕಾರಿಯಾಗಬೇಕು ಎಂಬ ಕನಸಿತ್ತು. ಆದರೆ ಆಕಾಂಕ್ಷಾ ಮೊದಲು ಪಾಟ್ನಾ ಪಶುವೈದ್ಯಕೀಯ ಕಾಲೇಜಿನಲ್ಲಿ ಪದವಿ ಪಡೆದರು. ಅಲ್ಲಿ ಆಕೆ ಚಿನ್ನದ ಪದಕ ವಿಜೇತೆ.

  ವೆಟರ್ನರಿಯಲ್ಲಿ ಪದವಿ ಮುಗಿಸಿದ ನಂತರ ಆಕಾಂಕ್ಷಾ ಯುಪಿಎಸ್ ಸಿಗೆ ತಯಾರಿ ಆರಂಭಿಸಿದರು. ಕಾಲೇಜು ದಿನಗಳಿಂದಲೂ ಐಎಎಸ್ ಅಧಿಕಾರಿಯಾಗುವ ಆಸಕ್ತಿ ಹೊಂದಿದ್ದರು. ಆಕಾಂಕ್ಷಾ ಅವರು UPSC ಸಂದರ್ಶನದ ಸಮಯದಲ್ಲಿ ಪಶುವೈದ್ಯಕೀಯ ಅಧಿಕಾರಿಯಾಗಿ ಸೇರಿದ್ದರು .

  ಡಾ. ಆಕಾಂಕ್ಷಾ ಆನಂದ್ ಅವರು 2022 ರಲ್ಲಿ ಎರಡನೇ ಬಾರಿಗೆ UPSC ಪರೀಕ್ಷೆಯನ್ನು ನೀಡಿದ್ದರು. ಪಶುವೈದ್ಯಾಧಿಕಾರಿಯಾಗಿ ಕೆಲಸ ಮಾಡುತ್ತಿದ್ದ ಆಕೆಗೆ ಕೋಚಿಂಗ್ ಮಾಡಲು ಸಾಧ್ಯವಾಗಲಿಲ್ಲ. ಅದಕ್ಕಾಗಿಯೇ ಅವರು ಯೂಟ್ಯೂಬ್ನ ಸಹಾಯವನ್ನು ತೆಗೆದುಕೊಂಡರು. ಮನೆಯಲ್ಲೇ ಇದ್ದುಕೊಂಡು UPSC ಪರೀಕ್ಷೆಗೆ ಸಂಪೂರ್ಣ ತಯಾರಿ ನಡೆಸಿದರು. ಅಂತಿಮವಾಗಿ ಅವರ ಶ್ರಮವು ಫಲ ನೀಡಿತು ಮತ್ತು ಅವರು UPSC 2022 ಪರೀಕ್ಷೆಯಲ್ಲಿ ಅಖಿಲ ಭಾರತ 205 ಶ್ರೇಣಿಯೊಂದಿಗೆ ಉತ್ತೀರ್ಣರಾದರು. ಅವರು ಐಎಎಸ್‌ ಆಗಿ ಆಯ್ಕೆಯಾದರು.