ವಿದೇಶದಲ್ಲಿನ ಉದ್ಯೋಗ ಬಿಟ್ಟು UPSC ಪಾಸ್​ ಮಾಡಿದ ಸದಾಫ್ ಚೌಧರಿ ಸ್ಥೂರ್ತಿದಾಯಕ ಕಥೆ

•   Sat, May 30 2026 08:11:15 AM



• ಉತ್ತರಾಖಂಡ, ಮೇ. 30 (DaijiworldNews/AK): ರೂರ್ಕಿ ಜಿಲ್ಲೆಯ ಮೋಹಿತ್‌ಪುರ ಗ್ರಾಮದ ನಿವಾಸಿ ಸದಾಫ್ ಚೌಧರಿ, 2018ಕ್ಕಿಂತ ಮೊದಲು ಅಮೆರಿಕನ್ ಬ್ಯಾಂಕ್‌ನಲ್ಲಿ ಕೆಲಸ ಮಾಡುತ್ತಿದ್ದರು. ಆದರೆ ಅವರು ಯುಪಿಎಸ್ ಸಿ ಸಿವಿಲ್ ಸರ್ವೀಸಸ್ ಪರೀಕ್ಷೆಯಲ್ಲಿ ತೇರ್ಗಡೆಯಾಗುವ ಕನಸು ಕಂಡಿದ್ದರು.

  ಸದಾಫ್ ತನ್ನ ಆರಂಭಿಕ ಶಿಕ್ಷಣವನ್ನು ಎಲ್ಎಸ್ಎ ಅಮ್ರೋಹಾದಿಂದ ಪಡೆದರು. ಪ್ರೌಢಶಾಲಾ ಪರೀಕ್ಷೆಯಲ್ಲಿ ಜಿಲ್ಲಾ ಟಾಪರ್ ಆಗಿದ್ದರು. 91ರಷ್ಟು ಅಂಕಗಳೊಂದಿಗೆ 12ನೇ ತರಗತಿಯನ್ನೂ ಪಾಸಾಗಿದ್ದರು. 2012 ರಲ್ಲಿ ಜೆಇಇ ಮೇನ್ಸ್ ಪರೀಕ್ಷೆಯಲ್ಲಿ ತೇರ್ಗಡೆಯಾದ ನಂತರ ಅವರು ಎನ್‌ಐಟಿ ಜಲಂಧರ್‌ನಲ್ಲಿ ಕೆಮಿಕಲ್ ಎಂಜಿನಿಯರಿಂಗ್ ಕೋರ್ಸ್‌ನಲ್ಲಿ ಬಿಟೆಕ್‌ಗೆ ಪ್ರವೇಶ ಪಡೆದರು. 2016ರಲ್ಲಿ ವ್ಯಾಸಂಗ ಮುಗಿಸಿ ಅಮೆರಿಕನ್ ಬ್ಯಾಂಕ್ ನಲ್ಲಿ ಕೆಲಸ ಗಿಟ್ಟಿಸಿಕೊಂಡಿದ್ದರು

  2018 ರಲ್ಲಿ, ಸದಾಫ್ UPSC ಯಿಂದ ಮರಳಿ ಬರಲು ನಿರ್ಧರಿಸಿದರು ಮತ್ತು ಬ್ಯಾಂಕ್ ಕೆಲಸವನ್ನು ಬಿಟ್ಟರು. ಅವರು ಯಾವುದೇ ಕೋಚಿಂಗ್ ಇಲ್ಲದೆ UPSC ಪರೀಕ್ಷೆಗೆ ತಯಾರಿ ಆರಂಭಿಸಿದರು. ಕಷ್ಟಪಟ್ಟು ಕೆಲಸ ಮಾಡಿದರು ಮತ್ತು 2019 ರಲ್ಲಿ ಮೊದಲ ಬಾರಿಗೆ UPSC ನಾಗರಿಕ ಸೇವೆಗಳ ಪರೀಕ್ಷೆ ಬರೆದರು. ಆದರೆ ಅವರು ಮೊದಲ ಬಾರಿಗೆ ಪ್ರಿಲಿಮ್ಸ್‌ನಲ್ಲಿ ತೇರ್ಗಡೆಯಾಗಲಿಲ್ಲ.

  ಸದಾಫ್ UPSC 2020 ರಲ್ಲಿ ಮತ್ತೆ ಪರೀಕ್ಷೆ ಬರೆದರು. ಈ ಬಾರಿಯ ಪರೀಕ್ಷೆ ಅವರ ಬದುಕನ್ನೇ ಬದಲಿಸಲಿದೆ. ಅವರು UPSC ಸಿವಿಲ್ ಸರ್ವೀಸಸ್ ಪರೀಕ್ಷೆ 2020 ರಲ್ಲಿ 23 ನೇ ಶ್ರೇಣಿಯೊಂದಿಗೆ ಪಾಸ್​ ಆದರು. ಸದಾಫ್ ಭಾರತೀಯ ವಿದೇಶಾಂಗ ಸೇವೆಯನ್ನು ಸೇರಿಕೊಂಡರು.