ಐಎಎಸ್ ಅಧಿಕಾರಿ ಈಶಾನಿ ಆನಂದ್ ಯಶೋಗಾಥೆ

•   Sun, May 24 2026 08:37:02 AM



• ಹರಿಯಾಣ, ಮೇ. 24 (DaijiworldNews/AA): ಯುಪಿಎಸ್‌ಸಿ ಪರೀಕ್ಷೆಯು ಭಾರತ ಅತ್ಯಂತ ಕಠಿಣ ಪರೀಕ್ಷೆಗಳಲ್ಲಿ ಒಂದಾಗಿದೆ. 2024ರ ಯುಪಿಎಸ್‌ಸಿ ಪರೀಕ್ಷೆಯಲ್ಲಿ 106ನೇ ಅಖಿಲ ಭಾರತ ರ‍್ಯಾಂಕ್ ಗಳಿಸಿದ ಈಶಾನಿ ಆನಂದ್ ಅವರ ಯಶೋಗಾಥೆ ಇದು.

  ಮೂಲತಃ ಹರಿಯಾಣದವರಾದ ಈಶಾನಿ, ತಂದೆಯ ಉದ್ಯೋಗದ ನಿಮಿತ್ತ ತಮಿಳುನಾಡಿನಲ್ಲಿ ನೆಲೆಸಿದ್ದರು. ಕಂಪ್ಯೂಟರ್ ಸೈನ್ಸ್ ಇಂಜಿನಿಯರಿಂಗ್ ಪದವೀಧರೆಯಾಗಿರುವ ಅವರು, 9.67 ರಷ್ಟು ಅತ್ಯುತ್ತಮ ಸಿಜಿಪಿಎ ಹೊಂದಿದ್ದಾರೆ.

  ದೇಶಸೇವೆಯ ಕನಸು ಹೊತ್ತಿದ್ದ ಈಶಾನಿ ಅವರು ಇಂಜಿನಿಯರಿಂಗ್ ಮುಗಿದ ತಕ್ಷಣ ಉತ್ತಮ ಸಂಬಳ ಬರುವ ಕೆಲಸದ ಆಫರ್ ತೊರೆದು ಯುಪಿಎಸ್‌ಸಿ ಪರೀಕ್ಷೆ ಬರೆಯಲು ಸಿದ್ಧತೆ ನಡೆಸಿದರು. ಅವರು ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ಆಂಥ್ರೊಪಾಲಜಿಯನ್ನು ಐಚ್ಛಿಕ ವಿಷಯವಾಗಿ ಆರಿಸಿಕೊಂಡಿದ್ದರು.

  ಮೊದಲ ಮೂರು ಪ್ರಯತ್ನಗಳಲ್ಲಿ ಈಶಾನಿ ಉತ್ತೀರ್ಣರಾಗಲು ವಿಫಲರಾದರು. ಆದರೆ ನಾಲ್ಕನೇ ಬಾರಿಗೆ ಯುಪಿಎಸ್‌ಸಿ ಪರೀಕ್ಷೆ ಬರೆದ ಅವರು ಉತ್ತೀರ್ಣರಾಗುವಲ್ಲಿ ಯಶಸ್ವಿಯಾಗುತ್ತಾರೆ. 2024ರ ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ಅವರು 106ನೇ ಅಖಿಲ ಭಾರತ ರ‍್ಯಾಂಕ್ ಗಳಿಸುತ್ತಾರೆ.