ಕಿರಾಣಿ ಅಂಗಡಿ ನಡೆಸುತ್ತಿದ್ದವರ ಮಗ ಐಪಿಎಸ್ ಅಧಿಕಾರಿಯಾದ ಕಥೆ

•   Sun, Sep 28 2025 07:48:22 AM



• ನವದೆಹಲಿ, ಸೆ. 28 (DaijiworldNews/AA): ಐಪಿಎಸ್ ಗೌರವ್ ತ್ರಿಪಾಠಿ ಮಧ್ಯಮ ವರ್ಗದ ಕುಟುಂಬಗಳಿಂದ ಬರುವ ಸಾವಿರಾರು ಯುವಕರಲ್ಲಿ ಒಬ್ಬರು. ಗೌರವ್ ತನ್ನ ನಾಲ್ಕನೇ ಪ್ರಯತ್ನದಲ್ಲಿ UPSC ಸಿವಿಲ್ ಸರ್ವೀಸಸ್ ಪರೀಕ್ಷೆಯನ್ನು 2022ರಲ್ಲಿ ಭೇದಿಸಿದ್ದರು. ಐಪಿಎಸ್ ಗೌರವ್ ತ್ರಿಪಾಠಿ ಅವರ ಯಶೋಗಾಥೆ ಎಲ್ಲಾ ಯುವಕರಿಗೆ ಸ್ಪೂರ್ತಿದಾಯಕವಾಗಿದೆ.

  

  ಉತ್ತರ ಪ್ರದೇಶದ ಗೋರಖ್ಪುರದಲ್ಲಿ ಹುಟ್ಟಿ ಬೆಳೆದ ಐಪಿಎಸ್ ಗೌರವ್ ತ್ರಿಪಾಠಿ ಒಬ್ಬ ಸಾಮಾನ್ಯ ಕುಟುಂಬದ ಹುಡುಗ ತನ್ನ ಕಠಿಣ ಪರಿಶ್ರಮದ ಆಧಾರದ ಮೇಲೆ ಎತ್ತರಕ್ಕೆ ಬೆಳೆದಿದ್ದಾನೆ. ಗೌರವ್ ತಂದೆ ಜನರಲ್ ಸ್ಟೋರ್ ನಡೆಸುತ್ತಿದ್ದರು. ಗೌರವ್ ಗೆ ಸಿವಿಲ್ ಸರ್ವೀಸಸ್ ಪರೀಕ್ಷೆಯ ಬಗ್ಗೆ ಪತ್ರಿಕೆಗಳಿಂದ ತಿಳಿಯಿತು. ಇದು ತನ್ನ ಜೀವನದ ದಿಕ್ಕನ್ನೇ ಬದಲಿಸುತ್ತದೆ ಎಂಬ ಕಲ್ಪನೆಯೂ ಆಗ ಅವರಿಗೆ ಇರಲಿಲ್ಲ.

  ಗೌರವ್ ಅವರ ಆರಂಭಿಕ ಶಿಕ್ಷಣವು ಗೋರಖ್ ಪುರದಲ್ಲಿ ಆಗಿದೆ. ಇದಾದ ನಂತರ ಐಐಟಿ ರೂರ್ಕಿಯಲ್ಲಿ ಬಿ.ಟೆಕ್ ಮಾಡಿದ್ದಾರೆ. ತನ್ನ ಬಿ.ಟೆಕ್ ದಿನಗಳಲ್ಲಿ, ಅವರು ಎಂಜಿನಿಯರಿಂಗ್ ಬದಲಿಗೆ ನಾಗರಿಕ ಸೇವೆಗಳ ಜಗತ್ತಿಗೆ ಹೋಗಲು ನಿರ್ಧರಿಸಿದರು. ಇದರ ನಂತರ, ಅವರು ಎನ್ ಸಿಇಆರ್ಟಿ ಪುಸ್ತಕಗಳಿಂದ ಯುಪಿಎಸ್ ಸಿ ಸಿವಿಲ್ ಸರ್ವೀಸಸ್ ಪರೀಕ್ಷೆಗೆ ತಯಾರಿ ಆರಂಭಿಸಿದರು.

  ಗೌರವ್ ತ್ರಿಪಾಠಿ ಎರಡು ಬಾರಿ ಸಂದರ್ಶನದ ಸುತ್ತು ತಲುಪಿದ್ದಾರೆ. ಆದರೆ ಅವರ ಅಂತಿಮವಾಗಿ ಆಯ್ಕೆ ಆಗಲಿಲ್ಲ. 2020 ರಲ್ಲಿ, ಅವರು ಪಿಸಿಎಸ್ ನಲ್ಲಿ ಆಯ್ಕೆಯಾದರು, ಆದರೆ ಅದಕ್ಕೆ ಸೇರಲಿಲ್ಲ. ಅಂತಿಮವಾಗಿ 4ನೇ ಪ್ರಯತ್ನದಲ್ಲಿ ಯಶಸ್ಸಿನ ಪತಾಕೆ ಹಾರಿತು. 2021 ರಲ್ಲಿ ತಮ್ಮ ಐಚ್ಛಿಕ ವಿಷಯವನ್ನು ಬದಲಾಯಿಸಿದರು. ಇದರ ನಂತರ, ಅವರು ತಮ್ಮ ನಾಲ್ಕನೇ ಪ್ರಯತ್ನದಲ್ಲಿ UPSC ನಾಗರಿಕ ಸೇವೆಗಳ ಪರೀಕ್ಷೆ 2022 ರಲ್ಲಿ ಅಖಿಲ ಭಾರತ 226 ರ ರ್‍ಯಾಂಕ್‌ ಗಳಿಸಿದರು.