ಮಂಗಳೂರು: ವರ್ಟೆಕ್ಸ್ ಅಶೋಕ Alt DRX ನಲ್ಲಿ ಲಿಸ್ಟ್; ಸಣ್ಣ ಹೂಡಿಕೆದಾರರಿಗೆ ವಾಣಿಜ್ಯ ರಿಯಲ್‌ಎಸ್ಟೇಟ್‌ನಲ್ಲಿ ಹೊಸ ಅವಕಾಶ

•   Wed, Aug 26 2026 08:59:30 PM



• ಮಂಗಳೂರು, ಆ. 26 (DaijiworldNews/AA): ಮಂಗಳೂರಿನ ವಾಣಿಜ್ಯ ರಿಯಲ್ ಎಸ್ಟೇಟ್ ಕ್ಷೇತ್ರದಲ್ಲಿ ಸಣ್ಣ ಹೂಡಿಕೆದಾರರಿಗೆ ಹೊಸ ಅವಕಾಶವೊಂದು ತೆರೆದುಕೊಂಡಿದೆ. ಮುಕುಂದ್ ರಿಯಾಲ್ಟಿಯ ಮ್ಯಾನೇಜ್ಡ್ ವರ್ಕ್ ಸ್ಪೇಸ್ ವಿಭಾಗವಾದ ವರ್ಟೆಕ್ಸ್ ವರ್ಕ್ ಸ್ಪೇಸ್ ನಗರದ ಬಿಜೈ ಕಾಪಿಕಾಡ್‌ನಲ್ಲಿರುವ ವರ್ಟೆಕ್ಸ್ ಅಶೋಕ ಬಿಸಿನೆಸ್ ಸೆಂಟರನ್ನು ಡಿಜಿಟಲ್ ರಿಯಲ್ ಎಸ್ಟೇಟ್ ಹೂಡಿಕೆ ವೇದಿಕೆ Alt DRX ನಲ್ಲಿ ಲಿಸ್ಟ್ ಮಾಡಿದೆ.

  ಈ ಮೂಲಕ ವೈಯಕ್ತಿಕ ಹಾಗೂ ಸಣ್ಣ ಹೂಡಿಕೆದಾರರು ದೊಡ್ಡ ಮೊತ್ತದ ಬಂಡವಾಳ ಹೂಡಿಕೆಯ ಅಗತ್ಯವಿಲ್ಲದೆ ವಾಣಿಜ್ಯ ಆಸ್ತಿಯಲ್ಲಿ ಸಣ್ಣ ಪ್ರಮಾಣದ ಹೂಡಿಕೆಗೆ ಅವಕಾಶ ಕಲ್ಪಿಸಲಾಗಿದೆ. ಹೂಡಿಕೆ 1 ಚದರ ಅಡಿಯಿಂದ ಆರಂಭವಾಗಲಿದ್ದು, ಸೂಚಕ ಬೆಲೆ ಪ್ರತಿಚದರಅಡಿಗೆ ಸುಮಾರು 16,000ರೂ. ಎಂದು ಸಂಸ್ಥೆ ತಿಳಿಸಿದೆ.

  ಈ ಮಾದರಿಯು ಮೂಲತಃ ಷೇರು ಹೂಡಿಕೆಯ ಪರಿಕಲ್ಪನೆಯನ್ನು ಹೋಲುತ್ತದೆ. ಸಂಪೂರ್ಣ ವಾಣಿಜ್ಯ ಆಸ್ತಿಯನ್ನು ಖರೀದಿಸಲು ಕೋಟ್ಯಂತರ ರೂಪಾಯಿ ಹೂಡಿಕೆ ಮಾಡುವ ಬದಲು, ಆಸ್ತಿಯ ಸಣ್ಣ ಘಟಕಗಳಲ್ಲಿ ಹೂಡಿಕೆ ಮಾಡಬಹುದು. ಅನ್ವಯಿಸುವ ನಿಯಮಗಳು ಮತ್ತು ಷರತ್ತುಗಳಿಗೆ ಒಳಪಟ್ಟು, ಆಸ್ತಿಯಿಂದ ಬರುವ ಬಾಡಿಗೆ ಆದಾಯದಲ್ಲಿಅನುಪಾತದ ಪಾಲು ಪಡೆಯುವ ಹಾಗೂ ತಮ್ಮ ಘಟಕಗಳನ್ನು ಮಾರಾಟ ಅಥವಾ ವರ್ಗಾವಣೆ ಮಾಡುವ ಅವಕಾಶವೂ ಇದೆ.

  ಕಾರ್ಯನಿರ್ವಹಿಸುತ್ತಿರುವ ವಾಣಿಜ್ಯ ಆಸ್ತಿ
  ಬಿಜೈಕಾಪಿಕಾಡ್‌ನಲ್ಲಿ ಇರುವ ವರ್ಟೆಕ್ಸ್ ಅಶೋಕ ವೃತ್ತಿಪರವಾಗಿ ನಿರ್ವಹಿಸಲ್ಪಡುವ ಬಿಸಿನೆಸ್ ಸೆಂಟರ್ ಆಗಿದ್ದು, ಮಂಗಳೂರಿನ ಪ್ರಮುಖ ಸಂಘಟಿತ ಕಚೇರಿ ಸ್ಥಳಗಳಲ್ಲಿ ಒಂದಾಗಿದೆ. ಜಾಗತಿಕ ಕಂಪನಿಗಳು ಹಾಗೂ ಬೆಳೆಯುತ್ತಿರುವ ಉದ್ಯಮಗಳು ಇಲ್ಲಿ ಕಚೇರಿ ಹೊಂದಿವೆ. ಸಭೆ ಮತ್ತು ತರಬೇತಿ ಕೊಠಡಿಗಳು, ಬ್ರೇಕ್‌ಔಟ್ ಪ್ರದೇಶಗಳು, ಕೆಫೆಟೇರಿಯಾ, ಪಾಕಿರ್‌ಂಗ್ ಸೇರಿದಂತೆ ಹಲವು ಸೌಲಭ್ಯಗಳನ್ನು ಕೇಂದ್ರ ಹೊಂದಿದೆ. Alt DRX ನಲ್ಲಿ ಲಿಸ್ಟ್ ಮಾಡುವ ಮೂಲಕ ಈಗಾಗಲೇ ಕಾರ್ಯನಿರ್ವಹಿಸುತ್ತಿರುವ ಈ ವಾಣಿಜ್ಯ ಆಸ್ತಿಯನ್ನು ಹೆಚ್ಚಿನ ಸಂಖ್ಯೆಯ ಹೂಡಿಕೆದಾರರಿಗೆ ಲಭ್ಯವಾಗುವಂತೆ ಮಾಡಲಾಗಿದೆ.

  ಮಂಗಳೂರಿನ ಬೆಳವಣಿಗೆಗೆ ಹೊಸ ಹೂಡಿಕೆ ಮಾರ್ಗ
  ಮಂಗಳೂರಿನ ರಿಯಲ್‌ಎಸ್ಟೇಟ್ ಮಾರುಕಟ್ಟೆ ಇದುವರೆಗೆ ಮುಖ್ಯವಾಗಿ ವಸತಿ ಆಸ್ತಿಗಳ ಸುತ್ತ ಕೇಂದ್ರೀಕೃತವಾಗಿತ್ತು. ಆದರೆ ತಂತ್ರಜ್ಞಾನ ಕಂಪನಿಗಳು, ಗ್ಲೋಬಲ್ ಕ್ಯಾಪಬಿಲಿಟಿ ಸೆಂಟರ್‌ಗಳು, ವೃತ್ತಿಪರ ಸೇವಾ ಸಂಸ್ಥೆಗಳು ಹಾಗೂ ಹೊಸ ತಲೆಮಾರಿನ ಉದ್ಯಮಗಳ ಬೆಳವಣಿಗೆಯಿಂದ ಗುಣಮಟ್ಟದ ವಾಣಿಜ್ಯ ಕಚೇರಿ ಸ್ಥಳಗಳಿಗೆ ಬೇಡಿಕೆ ಹೆಚ್ಚುತ್ತಿದೆ.

  ಈ ಹಿನ್ನೆಲೆಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ವಾಣಿಜ್ಯ ವರ್ಕ್ ಸ್ಪೇಸ್ ಮತ್ತು ಡಿಜಿಟಲ್ ಹೂಡಿಕೆ ವೇದಿಕೆಯನ್ನು ಒಟ್ಟುಗೂಡಿಸುವ ವರ್ಟೆಕ್ಸ್ ಅಶೋಕ ಲಿಸ್ಟಿಂಗ್, ಮಂಗಳೂರಿನ ವಾಣಿಜ್ಯ ರಿಯಲ್ ಎಸ್ಟೇಟ್‌ನಲ್ಲಿ ಸಣ್ಣ ಹೂಡಿಕೆದಾರರ ಪಾಲ್ಗೊಳ್ಳುವಿಕೆಗೆ ಹೊಸ ಮಾದರಿಯೊಂದನ್ನು ಪರಿಚಯಿಸಿದೆ.

  ಆಸಕ್ತ ಹೂಡಿಕೆದಾರರು ಬಿಜೈ ಕಾಪಿಕಾಡ್‌ನಲ್ಲಿರುವ ವರ್ಟೆಕ್ಸ್ ಅಶೋಕಗೆ ಭೇಟಿ ನೀಡಿ ಕಚೇರಿ ಸೌಲಭ್ಯಗಳು ಮತ್ತು ಕಾರ್ಯನಿರ್ವಹಣೆಯ ವಾತಾವರಣವನ್ನು ನೇರವಾಗಿ ವೀಕ್ಷಿಸಬಹುದು. ಹೂಡಿಕೆ ಹಾಗೂ ಭೇಟಿ ಕುರಿತ ಹೆಚ್ಚಿನ ಮಾಹಿತಿಗಾಗಿ +91 7090933900 ಕರೆ ಮಾಡಿ ಸಂಪರ್ಕಿಸಬಹುದು.

  ವರ್ಟೆಕ್ಸ್ ವರ್ಕ್ ಸ್ಪೇಸ್
  ವರ್ಟೆಕ್ಸ್ ವರ್ಕ್ ಸ್ಪೇಸ್, ಮುಕುಂದ್‌ರಿಯಾಲ್ಟಿಯ ಮ್ಯಾನೇಜ್ಡ್ ವರ್ಕ್ ಸ್ಪೇಸ್ ವಿಭಾಗವಾಗಿದ್ದು, ಮಂಗಳೂರಿನಲ್ಲಿ ಸಂಪೂರ್ಣ ಸಜ್ಜುಗೊಂಡ ಹಾಗೂ ವೃತ್ತಿಪರವಾಗಿ ನಿರ್ವಹಿಸಲ್ಪಡುವ ವಾಣಿಜ್ಯ ಕಚೇರಿ ಸ್ಥಳಗಳನ್ನು ನಿರ್ವಹಿಸುತ್ತದೆ. ಜಾಗತಿಕ ಕಂಪನಿಗಳು, ಬೆಳೆಯುತ್ತಿರುವ ಉದ್ಯಮಗಳು ಹಾಗೂ ಹೊಸ ತಲೆಮಾರಿನ ವ್ಯವಹಾರಗಳಿಗೆ ಕಚೇರಿ ಮತ್ತು ವ್ಯವಹಾರ ಮೂಲಸೌಕರ್ಯ ಸೇವೆಗಳನ್ನು ಒದಗಿಸುತ್ತದೆ.

  "ಮಂಗಳೂರು ತನ್ನತಂತ್ರಜ್ಞಾನ ಮತ್ತು ಉದ್ಯಮ ಪರಿಸರದ ಬೆಳವಣಿಗೆಯೊಂದಿಗೆ ಅಗತ್ಯವಿರುವ ವಾಣಿಜ್ಯ ಮೂಲಸೌಕರ್ಯವನ್ನು ವರ್ಟೆಕ್ಸ್ ಅಶೋಕ ಪ್ರತಿನಿಧಿಸುತ್ತದೆ. ಆಲ್ಟ್ಡಿಆರ್‌ಎಕ್ಸ್ ಮೂಲಕ ಹೆಚ್ಚಿನ ಸಂಖ್ಯೆಯ ಹೂಡಿಕೆದಾರರು ಕಾರ್ಯನಿರ್ವಹಿಸುತ್ತಿರುವ ವಾಣಿಜ್ಯ ಆಸ್ತಿಯಲ್ಲಿ ಪಾಲ್ಗೊಳ್ಳಲು ಅವಕಾಶ ಕಲ್ಪಿಸಲಾಗುತ್ತಿದೆ. ಹೂಡಿಕೆ ಮಾಡುವ ಮೊದಲು ಆಸಕ್ತರು ಕೇಂದ್ರಕ್ಕೆ ಭೇಟಿ ನೀಡಿ, ಸೌಲಭ್ಯಗಳನ್ನು ವೀಕ್ಷಿಸಿ ಮತ್ತು ಹೂಡಿಕೆ ಅವಕಾಶವನ್ನು ಸಂಪೂರ್ಣವಾಗಿ ಅರ್ಥಮಾಡಿಕೊಳ್ಳಬೇಕು" ಎಂದು ಮುಕುಂದ್‌ರಿಯಾಲ್ಟಿಯ ವ್ಯವಸ್ಥಾಪಕ ಪಾಲುದಾರರಾದ ಗುರುದತ್ತ ಶೆಣೈ ತಿಳಿಸಿದ್ದಾರೆ.