ಮೂಲ್ಕಿ: ದ್ವಿಚಕ್ರ ವಾಹನಕ್ಕೆ ಬಸ್ ಢಿಕ್ಕಿ - ಇಬ್ಬರಿಗೆ ಗಾಯ

•   Thu, May 07 2026 03:50:51 PM



• ಮೂಲ್ಕಿ, ಮೇ. 07 (DaijiworldNews/AK): ಖಾಸಗಿ ಬಸ್ ಢಿಕ್ಕಿ ಹೊಡೆದ ಪರಿಣಾಮ ದ್ವಿಚಕ್ರ ವಾಹನದಲ್ಲಿ ತೆರಳುತ್ತಿದ್ದ ತಂದೆ - ಮಗಳು ಗಾಯಗೊಂಡ ಘಟನೆ ಮೂಲ್ಕಿಯ ಪೆಟ್ರೋಲ್‌ ಪಂಪ್ ಬಳಿ ಶನಿವಾರ ನಡೆದಿದೆ.

  ಗಾಯಾಳುಗಳು ವಿಜಯ ದೇವಾಡಿಗ (45), ಸಾನ್ವಿ (6) ಎಂದು ಗುರುತಿಸಲಾಗಿದೆ. ಅಂಗಾರಗುಡ್ಡೆಯಿಂದ ಮೂಲ್ಕಿ ಭಾಗಕ್ಕೆ ತೆರಳುತ್ತಿದ್ದ ದ್ವಿಚಕ್ರ ವಾಹನಕ್ಕೆ ಸುರತ್ಕಲ್ ನಿಂದ ಉಡುಪಿಯತ್ತ ಹೋಗುತ್ತಿದ್ದ ಖಾಸಗಿ ಬಸ್ ಢಿಕ್ಕಿ ಹೊಡೆದಿದೆ.

  
  ಢಿಕ್ಕಿಯ ರಭಸಕ್ಕೆ ಇಬ್ಬರೂ ಕೆಳಗೆ ಬಿದ್ದಿದ್ದಾರೆ. ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮಗಳು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದು, ತಂದೆ ಮುಕ್ಕದ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಪ್ರಕರಣ ದಾಖಲಾಗಿದೆ.