ಉಡುಪಿ: ವೈದ್ಯಕೀಯ ಚಿಕಿತ್ಸೆಗಾಗಿ ನೆರವಿನ ನಿರೀಕ್ಷೆಯಲ್ಲಿ 21 ವರ್ಷದ ರಿಶಾಲ್ ಕರ್ನೇಲಿಯೋ

•   Wed, Feb 18 2026 05:33:07 PM



• ಉಡುಪಿ, ಫೆ. 18 (DaijiworldNews/AA): ಸಂತೆಕಟ್ಟೆಯ ಮೌಂಟ್ ರೋಜರಿ ಚರ್ಚ್ ವ್ಯಾಪ್ತಿಯ ರಿಚರ್ಡ್ ಮತ್ತು ಆಶಾಲತಾ ಕರ್ನೇಲಿಯೋ ದಂಪತಿಯ ಪುತ್ರಿ ರಿಶಾಲ್ ಕರ್ನೇಲಿಯೋ (21) ರಸ್ತೆ ಅಪಘಾತದಲ್ಲಿ ಗಂಭೀರವಾಗಿ ಗಾಯಗೊಂಡಿದ್ದು, ಚಿಕಿತ್ಸೆಗಾಗಿ ಅವರ ಕುಟುಂಬವು ದಾನಿಗಳ ನೆರವನ್ನು ಕೋರಿದೆ.

  2025ರ ಡಿಸೆಂಬರ್ 28 ರಂದು ರಿಶಾಲ್ ಅವರು ತಮ್ಮ ದ್ವಿಚಕ್ರ ವಾಹನದಲ್ಲಿ ಸಂಚರಿಸುತ್ತಿದ್ದಾಗ ಈ ಭೀಕರ ಅಪಘಾತ ಸಂಭವಿಸಿತ್ತು. ತಲೆಗೆ ಗಂಭೀರ ಪೆಟ್ಟು ಬಿದ್ದಿದ್ದರಿಂದ ಅವರನ್ನು ತಕ್ಷಣ ಮಣಿಪಾಲದ ಆಸ್ಪತ್ರೆಗೆ ದಾಖಲಿಸಲಾಯಿತು. ಅಲ್ಲಿನ ಐಸಿಯುನಲ್ಲಿ ಕೆಲವು ದಿನಗಳ ಕಾಲ ಅವರಿಗೆ ಚಿಕಿತ್ಸೆ ನೀಡಲಾಯಿತು.

  ಆರಂಭಿಕ ಹಂತದ ಚಿಕಿತ್ಸೆಗಾಗಿ ಈಗಾಗಲೇ ಸುಮಾರು 11 ಲಕ್ಷ ರೂಪಾಯಿ ವೆಚ್ಚವಾಗಿದೆ. ಆಯುಷ್ಮಾನ್ ಭಾರತ್ ಯೋಜನೆಯಡಿ ಕುಟುಂಬಕ್ಕೆ ಕೇವಲ 5 ಲಕ್ಷ ರೂಪಾಯಿಗಳ ನೆರವು ಲಭಿಸಿದೆ. ಪ್ರಸ್ತುತ ರಿಶಾಲ್ ಅವರು ಉಡುಪಿಯ ಲೊಂಬಾರ್ಡ್ ಮೆಮೋರಿಯಲ್ ಮಿಷನ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಮಾತ್ರೆ ಮತ್ತು ಇತರ ಔಷಧಗಳ ಹೊರತಾಗಿ, ಪ್ರತಿ ತಿಂಗಳು ಸುಮಾರು 50,000 ರೂಪಾಯಿ ಆರೈಕೆ ವೆಚ್ಚವಾಗುತ್ತಿದೆ. ಮುಂದಿನ ಚಿಕಿತ್ಸೆಗಾಗಿ ಸುಮಾರು 4,50,000 ರೂಪಾಯಿ ಬೇಕಾಗಬಹುದು ಎಂದು ಅಂದಾಜಿಸಲಾಗಿದೆ.

  ರಿಚರ್ಡ್ ಕರ್ನೇಲಿಯೋ ಅವರು ಕುಟುಂಬದಲ್ಲಿ ದುಡಿಯುವ ಏಕೈಕ ವ್ಯಕ್ತಿಯಾಗಿದ್ದು, ಮಗ ಆಶಿಶ್ ಬಿ.ಇ ವ್ಯಾಸಂಗ ಮಾಡುತ್ತಿದ್ದಾರೆ. ಮಗಳ ಮುಂದಿನ ಚಿಕಿತ್ಸೆಯ ವೆಚ್ಚವನ್ನು ಭರಿಸಲು ಕುಟುಂಬಕ್ಕೆ ಅಸಾಧ್ಯವಾಗಿದೆ. ಈ ಹಿನ್ನೆಲೆ ದಾನಿಗಳು ಆರ್ಥಿಕ ಸಹಾಯ ನೀಡುವ ಮೂಲಕ ಸಹಕರಿಸಬೇಕೆಂದು ಕುಟುಂಬವು ವಿನಂತಿಸಿದೆ.

  ಸಹಾಯ ಮಾಡಲಿಚ್ಛಿಸುವವರು ಈ ಕೆಳಗಿನ ಬ್ಯಾಂಕ್ ವಿವರಗಳಿಗೆ ಹಣವನ್ನು ಕಳುಹಿಸಬಹುದು:
  ಖಾತೆದಾರರ ಹೆಸರು: Ashalatha Cornelio
  ಖಾತೆ ಸಂಖ್ಯೆ: 520101021820453
  IFSC : UBIN0907332
  ಬ್ಯಾಂಕ್ ಶಾಖೆ: ಸಂತೆಕಟ್ಟೆ 
  ದೂರವಾಣಿ ಸಂಖ್ಯೆ: 9945666925