ಕಾಸರಗೋಡು : ಎಸ್ಐಆರ್ ಅರ್ಜಿಗಳನ್ನು ಬಿಎಲ್ಒಗೆ ತಲುಪಿಸಲು ಜಿಲ್ಲಾಧಿಕಾರಿ ಆಗ್ರಹ

•   Wed, Dec 17 2025 08:49:51 PM



• ಕಾಸರಗೋಡು, ಡಿ. 17 (DaijiworldNews/TA): ಮತದಾರರ ವಿಶೇಷ ಪಟ್ಟಿ ಪರಿಷ್ಕರಣೆ (ಎಸ್ ಐ ಆರ್) ಅರ್ಜಿಗಳನ್ನು ನಾಳೆ ( ಡಿಸೆಂಬರ್ 18) ರಂದು ಬೆಳಿಗ್ಗೆ 11 ಗಂಟೆ ಯೊಳಗೆ ಬಿಎಲ್ಒ ಅಥವಾ ಗ್ರಾಮಾಧಿಕಾರಿಗಳಿಗೆ ತಲಪಿಸಬೇಕು ಎಂದು ಜಿಲ್ಲಾಧಿಕಾರಿ ಕೆ.ಇಂಪಾಶೇಖರ್ ತಿಳಿಸಿದ್ದಾರೆ.

  

  ವಿಶೇಷ ಮತದಾರರ ಪಟ್ಟಿ ಪರಿಷ್ಕರಣೆ ಪ್ರಗತಿ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಕರೆದ ಸುದ್ದಿಗೋಷ್ಠಿಯಲ್ಲಿ ಈ ಮಾಹಿತಿ ನೀಡಿದರು. ಜಿಲ್ಲೆಯಲ್ಲಿ 10,78,256 ಮತದಾರರಿದ್ದಾರೆ. ಈ ಪೈಕಿ 10, 17,167 ಅರ್ಜಿಗಳನ್ನು ಡಿಜಿಟೆಲೈಸ್ ಮಾಡಲಾಗಿದೆ. 94.33 ಶೇಕಡಾ ಪ್ರಗತಿ ಸಾಧಿಸಲಾಗಿದೆ. ಉಳಿದ ಅರ್ಜಿಗಳನ್ನು ಭರ್ತಿ ಮಾಡಿ ತಲುಪಿಸುವಂತೆ ಜಿಲ್ಲಾಧಿಕಾರಿ ಮನವಿ ಮಾಡಿದ್ದಾರೆ.