ಬಂಟ್ವಾಳ: ಅಂಬೇಡ್ಕರ್ ಜಗತ್ತು ಆರಾಧಿಸುವ ಪವಾಡ ಪುರುಷ -ಶಾಸಕ ರಾಜೇಶ್ ನಾಯ್ಕ್

•   Mon, Apr 14 2025 05:27:56 PM



• ಬಂಟ್ವಾಳ, ಏ.14 (DaijiworldNews/AK):ಅಂಬೇಡ್ಕರ್ ಓರ್ವ ಪವಾಡ ಪುರುಷರು, ಆ ಕಾರಣದಿಂದಲೇ ಅವರು ಜಗತ್ತು ಆರಾಧಿಸುವ ಶಕ್ತಿ ಎನ್ನಿಸಿಕೊಂಡಿದ್ದಾರೆ ಎಂದು ಬಂಟ್ವಾಳ‌ ಶಾಸಕ ರಾಜೇಶ್ ನಾಯ್ಕ್ ಹೇಳಿದರು.

  

  

  ಬಂಟ್ವಾಳ ತಾಲೂಕು ಆಡಳಿತ, ತಾಲೂಕು ಪಂಚಾಯತ್ ಹಾಗೂ ಸಮಾಜ‌ಕಲ್ಯಾಣ ಇಲಾಖೆಯ ಆಶ್ರಯದಲ್ಲಿ ಬಿ.ಸಿ‌ರೋಡಿನ‌ ಅಂಬೇಡ್ಕರ್ ಭವನದಲ್ಲಿ‌ ನಡೆದ ಬಾಬಾ ಸಾಹೇಬ್ ಅಂಬೇಡ್ಕರ್ ಅವರ 134ನೇ ಜನ್ಮ ದಿನಾಚರಣೆ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದರು.

  ಅಂಬೇಡ್ಕರ್ ಜನ್ಮದಿನಾಚರಣೆ ಕೇವಲ ಕಾರ್ಯಕ್ರಮಗಳಿಗೆ ಮಾತ್ರ ಸೀಮಿತವಾಗದೆ, ಅಂಬೇಡ್ಕರ್ ಅವರ ಆದರ್ಶವನ್ನು ಪ್ರತಿಯೊಬ್ಬರೂ ಮೈಗೂಡಿಸಿಕೊಳ್ಳಲು ಪ್ರಯತ್ನಿಸಬೇಕೆಂದು ಅವರು ಕರೆ‌ ನೀಡಿದರು. ಅಂಬೇಡ್ಕರ್‌ ಭವನ‌ದ ಕುಂದು ಕೊರತೆಗಳ ನಿವಾರಣೆಯ ಕಾಮಗಾರಿಗಳಿಗೆ ತನ್ನ ಶಾಸಕ‌ನಿಧಿಯಿಂದ ಅನುದಾನ‌ ನೀಡುವುದಾಗಿ ಅವರು ಈ ಸಂದರ್ಭ ಘೋಷಿಸಿದರು.

  ಕೇಪು ಕಲ್ಲಂಗಳ ಹಿ.ಪ್ರಾ.ಶಾಲೆಯ ವಿದ್ಯಾರ್ಥಿನಿ ಗುಣಶ್ರೀ ಅವರು, ಅಂಬೇಡ್ಕರ್ ಅವರ ಜೀವನ‌ ಚರಿತ್ರೆ ಕುರಿತಾಗಿ ಮಾತನಾಡಿದರು.ಪುರಸಭಾ ಅಧ್ಯಕ್ಷರಾದ ವಾಸುಪೂಜಾರಿ, ಬೂಡಾ ಅಧ್ಯಕ್ಷ ಬೇಬಿ‌ಕುಂದರ್, ಗ್ಯಾರಂಟಿ ಸಮಿತಿ ಅಧ್ಯಕ್ಷೆ ಜಯಂತಿ ಪೂಜಾರಿ, ಬಂಟ್ವಾಳ ತಹಶೀಲ್ದಾರ್ ಅರ್ಚನಾ ಭಟ್, ತಾ.ಪಂ.ಕಾರ್ಯನಿರ್ವಹಣಾಧಿಕಾರಿ ಸಚಿನ್ ಕುಮಾರ್, ಜಿಲ್ಲಾ ಉಸ್ತುವಾರಿ ಜಾಗೃತಿ ಸಮಿತಿಯ ಮೋಹನ್ , ಕ್ಷೇತ್ರ ಶಿಕ್ಷಣಾಧಿಕಾರಿ ಮಂಜುನಾಥನ್ ಎಂ.ಜಿ. ವೇದಿಕೆಯಲ್ಲಿ ಉಪಸ್ಥಿತರಿದ್ದರು.

  ಸಮಾಜ‌ಕಲ್ಯಾಣ ಇಲಾಖಾ‌ ಸಹಾಯಕ‌ ನಿರ್ದೇಶಕಿ‌ ಸುನೀತಾ ಸ್ವಾಗತಿಸಿದರು. ವ್ಯವಸ್ಥಾಪಕ ಲಕ್ಷ್ಮಣ್ ವಂದಿಸಿದರು. ಪ್ರದೀಪ್ ಕಾರ್ಯಕ್ರಮ ನಿರ್ವಹಿಸಿದರು. ವಿವಿಧ ಸ್ಪರ್ಧಾ ವಿಜೇತರಿಗೆ ಬಹುಮಾನ ವಿತರಿಸಲಾಯಿತು.