ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕಿರಿಯ ಸಹೋದರ ರಾಬರ್ಟ್ ಟ್ರಂಪ್ ನಿಧನ

•   Sun, Aug 16 2020 12:13:43 PM



• ವಾಷಿಂಗ್ಟನ್‌‌, ಆ 16 (DaijiworldNews/PY): ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌‌ ಟ್ರಂಪ್‌ ಅವರ ಕಿರಿಯ ಸಹೋದರ ರಾಬರ್ಟ್‌ ಟ್ರಂಪ್‌‌ (71) ಅವರು ಶನಿವಾರ ನಿಧನರಾದರು.

  

  ರಾಬರ್ಟ್‌ ಟ್ರಂಪ್‌ ಅವರು ತೀವ್ರವಾಗಿ ಅನಾರೋಗ್ಯಕ್ಕೆ ಒಳಗಾಗಿದ್ದು, ಅವರನ್ನು ನ್ಯೂಯಾರ್ಕ್‌ನ ಆಸ್ಪತ್ರೆಯೊಂದಕ್ಕೆ ದಾಖಲಿಸಲಾಗಿತ್ತು. ಅವರು ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟಿದ್ದಾರೆ ಎಂದು ಶ್ವೇತ ಭವನದ ಅಧಿಕಾರಿಗಳು ಹೇಳಿದ್ದಾರೆ.

  ರಾಬರ್ಟ್‌ ಟ್ರಂಪ್‌ ಅವರ ಆರೋಗ್ಯ ವಿಚಾರಿಸಲು ಶುಕ್ರವಾರ ಟ್ರಂಪ್ ಆಸ್ಪತ್ರೆಗೆ ತೆರಳಿದ್ದರು.

  ನನ್ನ ಸಹೋದರ ನಿಧನರಾಗಿದ್ದಾರೆ. ಅವನು ನನ್ನ ಸಹೋದರ ಮಾತ್ರವಲ್ಲ ಓರ್ವ ಉತ್ತಮ ಸ್ನೇಹಿತ. ಅವನ ನೆನಪುಗಳು ನನ್ನ ಮನಸ್ಸಿನಲ್ಲಿ ಶಾಶ್ವತವಾಗಿರಲಿ. ನಾನು ಆತನನ್ನು ಮತ್ತೆ ಭೇಟಿಯಾಗುವೆ. ಆತನ ಆತ್ಮಕ್ಕೆ ಶಾಂತಿ ದೊರಕಲಿ ಎಂದು ಟ್ರಂಪ್‌ ಬೇಸರ ವ್ಯಕ್ತಪಡಿಸಿದ್ದಾರೆ.