ಪಾಕ್‌ನ ರಾಕೆಟ್‌ ದಾಳಿಗೆ ಅಫ್ಘಾನ್‌ನಲ್ಲಿ 9 ನಾಗರಿಕರು ಬಲಿ

•   Fri, Jul 31 2020 11:32:26 AM



• ಅಫ್ಘಾನಿಸ್ತಾನ, ಜು. 31 (DaijiworldNews/MB) : ಅಫ್ಘಾನಿಸ್ತಾನದ ಕಂದಹಾರ್‌ ಪ್ರಾಂತ್ಯದ ಬೋಲ್‌ಡಾಕ್‌ ಜಿಲ್ಲೆಯಲ್ಲಿ ಗುರುವಾರ ಪಾಕ್‌ ರಾಕೆಟ್‌ ದಾಳಿ ನಡೆಸಿದ್ದು ಈ ದಾಳಿಯಿಂದಾಗಿ ಕನಿಷ್ಠ 9 ನಾಗರಿಕರು ಸಾವನ್ನಪ್ಪಿದ್ದಾರೆ ಎಂದು ವರರಿಯಾಗಿದೆ.

  

  ಗುರುವಾರ ಪಾಕಿಸ್ತಾನ ಪಡೆಗಳು ಬೋಲ್‌ಡಾಕ್‌ ಜಿಲ್ಲೆಯಲ್ಲಿ ವಸತಿ ಪ್ರದೇಶಗಳನ್ನು ಗುರಿಯಾಗಿಸಿಕೊಂಡು ರಾಕೆಟ್‌ ದಾಳಿ ನಡೆಸಿದ್ದು 9 ನಾಗರಿಕರು ಮೃತಪಟ್ಟರೆ 50 ಮಂದಿ ಗಾಯಗೊಂಡಿದ್ದಾರೆ ಎನ್ನಲಾಗಿದೆ.

  ಇನ್ನು ಕಂದಹಾರ್‌ನಲ್ಲೇ ಜೂನ್‌ ತಿಂಗಳಿನ ಆರಂಭದಲ್ಲಿ ರಸ್ತೆ ಪಕ್ಕದಲ್ಲಿ ಬಾಂಬ್‌ ದಾಳಿಯಾಗಿದ್ದು ಈ ಸಂದರ್ಭದ 9 ಮಂದಿ ನಾಗರಿಕರು ಸಾವನ್ನಪ್ಪಿದ್ದರು.

  ಜುಲೈ 25 ರ ಶನಿವಾರ ಅಘ್ಘಾನ್‌ ಸೇನೆಯು ಪಾಕ್‌ನ 13 ಉಗ್ರರು ಸೇರಿದಂತೆ ಒಟ್ಟು 31 ಉಗ್ರರನ್ನು ಹತ್ಯೆ ಮಾಡಿದೆ ಎಂದು ವರದಿ ತಿಳಿಸಿದೆ.