ಬಾಲಿವುಡ್ ನಟ ಸಲ್ಮಾನ್ ಖಾನ್ ತಂದೆ ಆಸ್ಪತ್ರೆಗೆ ದಾಖಲು

•   Tue, Feb 17 2026 04:22:03 PM



• ಮುಂಬೈ, ಫೆ. 17 (DaijiworldNews/AA): ಬಾಲಿವುಡ್ ನಟ ಸಲ್ಮಾನ್ ಖಾನ್ ತಂದೆ, ಹಿರಿಯ ಚಿತ್ರಕಥೆಗಾರ ಸಲೀಂ ಖಾನ್ ಅವರನ್ನು ಮುಂಬೈನ ಲೀಲಾವತಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.

  ಸಲೀಂ ಖಾನ್ ಆಸ್ಪತ್ರೆ ದಾಖಲಾಗಲು ಕಾರಣ ಏನೆಂಬುದು ತಿಳಿದುಬಂದಿಲ್ಲ. ನಟ ಸಲ್ಮಾನ್, ಅವರ ಸಹೋದರಿ ಅಲ್ವಿರಾ ಮತ್ತು ಬಾವ ಅತುಲ್ ಅಗ್ನಿಹೋತ್ರಿ ಅವರೊಂದಿಗೆ ಆಸ್ಪತ್ರೆಗೆ ಭೇಟಿ ನೀಡಿದ್ದಾರೆ.

  ಸಲೀಮ್ ಖಾನ್ ಅವರನ್ನು ಇಂದು ಮುಂಜಾನೆ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಸದ್ಯ ಅವರು ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

  ಸಲೀಂ ಖಾನ್ ಅವರು ಶೋಲೆ, ದೀವಾರ್ ಮತ್ತು ಜಂಜೀರ್ ನಂತಹ ಹಿಟ್ ಚಲನಚಿತ್ರಗಳ ಕಥೆಗಳನ್ನ ಬರೆದಿದ್ದಾರೆ. ಸಲೀಂ ಖಾನ್ ಅವರು 70 ರ ದಶಕದಲ್ಲಿ ಜಾವೇದ್ ಅಖ್ತರ್ ಅವರೊಂದಿಗೆ ಅನೇಕ ಹಿಂದಿ ಸಿನಿಮಾ ಕ್ಲಾಸಿಕ್‌ಗಳನ್ನು ಸಹ ಬರೆದಿದ್ದಾರೆ. ಕಳೆದ ವರ್ಷ ನವೆಂಬರ್‌ನಲ್ಲಿ ತಮ್ಮ 90 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದರು.