ವೇದಿಕೆಯಲ್ಲಿ ಹಾಡುವಾಗ ಎಡವಿ ಬಿದ್ದ ಗಾಯಕ ಮೋಹಿತ್ ಚೌಹಾಣ್

•   Tue, Dec 09 2025 11:13:45 AM



• ಭೋಪಾಲ್, ಡಿ. 09 (DaijiworldNews/ AK): ಸುಪ್ರಸಿದ್ಧ ಬಾಲಿವುಡ್ ಗಾಯಕ ಮೋಹಿತ್ ಚೌಹಾಣ್ ವೇದಿಕೆಯಲ್ಲಿ ಹಾಡುವಾಗ ಎಡವಿ ಬಿದ್ದಿರುವ ಘಟನೆ ಭೋಪಾಲ್​ನಲ್ಲಿ ನಡೆದಿದೆ.

  ಭೋಪಾಲ್​ನ ಏಮ್ಸ್​​ನಲ್ಲಿ ಲೈವ್ ಶೋ ನಡೆಯುತ್ತಿತ್ತು. ಗಾಯಕ ಹಾಡುತ್ತಿರುವ ವೇಳೆ ಎಡವಿ ಬಿದ್ದಿದ್ದು, ಕೂಡಲೇ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಅವರು ರಾಕ್​ ಸ್ಟಾರ್ ಚಿತ್ರದ ನಾದಾನ್ ಪರಿಂದೆ ಹಾಡನ್ನು ಹಾಡುತ್ತಿರುವಾಗ ಘಟನೆ ನಡೆದಿದೆ.

  ಗಾಯಕ ಮೋಹಿತ್ ಚೌಹಾಣ್ ಅವರಿಗೆ ಏನಾದರೂ ಗಾಯಗಳಾಗಿವೆಯೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಮೋಹಿತ್ ಚೌಹಾಣ್ ಇದುವರೆಗಿನ ತಮ್ಮ ಗಾಯನ ವೃತ್ತಿಜೀವನದಲ್ಲಿ ಹಲವಾರು ಹಿಟ್ ಹಾಡುಗಳನ್ನು ನೀಡಿದ್ದಾರೆ. ಅವರ ಪ್ರಸಿದ್ಧ ಹಾಡುಗಳು ಪೀ ಲೂನ್, ತುನೆ ಹೋ ನಾ ಕಹಾ, ಕುನ್ ಫಯಾ ಕುನ್, ತುಮ್ ಸೇ ಹಿ, ರಬ್ಬಾ, ತುಮ್ ಹೋ ಹೀಗೆ ಹಲವು ಉತ್ತಮ ಹಾಡುಗಳನ್ನು ನೀಡಿದ್ದಾರೆ.