ಮಂಗಳೂರು: ಲಂಚಕ್ಕೆ ಕೈಯೊಡ್ಡಿದ ಭ್ರಷ್ಟ ಅಧಿಕಾರಿಗಳು ಎಸಿಬಿ ಬಲೆಗೆ

•   Tue, May 21 2019 07:27:45 PM



• ಮಂಗಳೂರು, ಮೇ21(Daijiworld News/SS): ಸಬ್ಸಿಡಿ ಹಣ ಬಿಡುಗಡೆ ಮಾಡಬೇಕಾದರೆ 10,000 ರೂಪಾಯಿ ಲಂಚ ನೀಡಬೇಕು ಎಂದು ಕೈಯೊಡ್ಡಿದ್ದ ಸರಕಾರಿ ಇಲಾಖೆಯ ಇಬ್ಬರು ಅಧಿಕಾರಿಗಳನ್ನು ಭ್ರಷ್ಟಾಚಾರ ನಿಗ್ರಹ ದಳದ ಪೊಲೀಸರು ಬಂಧಿಸಿದ್ದಾರೆ.

  

  

  

  ದಕ್ಷಿಣ ಕನ್ನಡ ಜಿಲ್ಲಾ ಅಲ್ಪಸಂಖ್ಯಾತ ಅಭಿವೃದ್ಧಿ ನಿಗಮದ ಜಿಲ್ಲಾ ಮ್ಯಾನೇಜರ್ ಶ್ರೀಧರ್ ಭಂಡಾರಿ ಮತ್ತು ಸಿಬ್ಬಂದಿ ರಾಹಿಲ್ ಬಲೆಗೆ ಬಿದ್ದವರು.

  ಉದ್ಯಮಿಯೊಬ್ಬರು ಡೈರಿ ವ್ಯವಹಾರ ಮಾಡಲೆಂದು ಸಬ್ಸಿಡಿ ಪಡೆದುಕೊಂಡಿದ್ದರು. ಇವರಿಗೆ ಇಲಾಖೆಯಿಂದ 1 ಲಕ್ಷ ರೂಪಾಯಿ ನಗದು ಹಣ ಬರಬೇಕಾಗಿತ್ತು. ಆದರೆ ನಗದು ಹಣದ ದಾಖಲೆಗಳಿಗೆ ಸಹಿ ಮಾಡಲು 10,000 ಲಂಚ ನೀಡಬೇಕೆಂದು ಕೈಯೊಡ್ಡಿದ್ದರು. ಈ ಬಗ್ಗೆ ಉದ್ಯಮಿ ಎಸಿಬಿ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದರು.

  ಈ ಮಾಹಿತಿ ಮೇರೆಗೆ ಇಂದು ಉದ್ಯಮಿ 10000 ನಗದು ಹಣ ನೀಡಲು ಬರುತ್ತಿದ್ದ ವೇಳೆ ಕಾರ್ಯಾಚರಣೆ ನಡೆಸಿದ ಎಸಿಬಿ ಅಧಿಕಾರಿಗಳು ಇಬ್ಬರನ್ನೂ ಬಂಧಿಸಿದ್ದಾರೆ.

  ಈ ಕುರಿತು ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.