ಕುಂದಾಪುರ: ಲಾರಿ ಚಾಲಕನಿಂದ ಅಪ್ರಾಪ್ತೆ ಅತ್ಯಾಚಾರ - ಆರೋಪಿಗೆ ನ್ಯಾಯಾಂಗ ಬಂಧನ

•   Tue, May 21 2019 02:29:32 PM



• ಕುಂದಾಪುರ, ಮೇ 21 (Daijiworld News/MSP): ಲಾರಿ ಚಾಲಕನೋರ್ವ 17ರ ಅಪ್ರಾಪ್ತೆಗೆ ಎರಡು ಬಾರಿ ಅತ್ಯಾಚಾರ ನಡೆಸಿ ಸಿಕ್ಕಿಹಾಕಿಕೊಂಡಿರುವ ಘಟನೆ ಬ್ರಹ್ಮಾವರ ಪೊಲೀಸ್ ಠಾಣಾ ವ್ಯಾಪ್ತಿಯ ಚೇರ್ಕಾಡಿ ಎಂಬಲ್ಲಿ ನಡೆದಿದೆ. ಅತ್ಯಾಚಾರ ನಡೆಸಿದ ಆರೋಪಿಯನ್ನು ಕಾಪು ನಿವಾಸಿ ಲಾರಿ ಚಾಲಕ ಆದರ್ಶ (23) ಎಂದು ಗುರುತಿಸಲಾಗಿದೆ.

  

  ಆರೋಪಿ ಆದರ್ಶ ಚೇರ್ಕಾಡಿ ಮೂಲದ ಲಾರಿ ಚಾಲಕನೋರ್ವ ಜೊತೆಗೆ ಚಾಲಕ ವೃತ್ತಿ ಮಾಡಿಕೊಂಡಿದ್ದು, ಆಗಾಗ ಅವರ ಮನೆಗೆ ಬಂದು ಹೋಗುತ್ತಿದ್ದ ಎನ್ನಲಾಗಿದೆ. ಇದೇ ಸಂದರ್ಭ ಅವರ ಮನೆಯಲ್ಲಿ ಉಳಿಯುತ್ತಿದ್ದ ಆರೋಪಿ ಆದರ್ಶ ಅವರ 17 ವರ್ಷ ಪ್ರಾಯದ ಮಗಳನ್ನು ಅತ್ಯಾಚಾರ ಮಾಡಿರುವುದಾಗಿ ಅಪ್ರಾಪ್ತೆಯ ತಾಯಿ ಬ್ರಹ್ಮಾವರ ಪೊಲಿಸ್ ಠಾಣೆಗೆ ದೂರು ನೀಡಿದ್ದಾರೆ. ಸೋಮವಾರ ರಾತ್ರಿ ಘಟನೆಯನ್ನು ಕಣ್ಣಾರೆ ಕಂಡ ತಾಯಿಗೆ ಈ ಹಿಂದೆಯೂ ಒಮ್ಮೆ ಅತ್ಯಾಚಾರ ನಡೆಸಿರುವ ಘಟನೆ ತಿಳಿದು ಬಂತೆನ್ನಲಾಗಿದೆ.

  ಸಂತ್ರಸ್ಥೆಯ ತಾಯಿ ನೀಡಿದ ದೂರಿನನ್ವಯ ಆರೋಪಿಯನ್ನು ಬ್ರಹ್ಮಾವರ ಪೊಲೀಸರು ಬಂಧಿಸಿ ಕುಮದಾಪುರ ನ್ಯಾಯಾಲಯಕ್ಕೆ ಮಂಗಳವಾರ ಹಾಜರುಪಡಿಸಿದ್ದು, ಆರೋಪಿಗೆ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ ಎಂದು ತಿಳಿದು ಬಂದಿದೆ.