'ಸಮನ್ಸ್‌ಗೆ ಉತ್ತರಿಸದೇ ತಮ್ಮ ಬಂಧನವನ್ನು ಖುದ್ದು ಕೇಜ್ರಿವಾಲ್ ಆಹ್ವಾನ ನೀಡಿದರು'- ಸಿಎಂ ಹಿಮಂತ

•   Sun, Mar 24 2024 11:58:15 AM



• ಗುವಾಹಟಿ, ಮಾ 24(DaijiworldNews/AA): ಸಮನ್ಸ್ ಗಳಿಗೆ  ಉತ್ತರಿಸದೇ ತಮ್ಮನ್ನು ಬಂಧಿಸುವಂತೆ ದೆಹಲಿ ಸಿಎಂ ಅರವಿಂದ ಕೇಜ್ರಿವಾಲ್ ಅವರು ಇಡಿಗೆ ಖುದ್ದು ಆಹ್ವಾನ ನೀಡಿದರು ಎಂದು ಅಸ್ಸಾಂ ಸಿಎಂ ಹಿಮಂತ ಬಿಸ್ವ ಶರ್ಮಾ ಹೇಳಿದ್ದಾರೆ.

  ಈ ಬಗ್ಗೆ ಮಾತನಾಡಿದ ಅವರು, ರಾಜಕೀಯ ಸಹಾನುಭೂತಿ ಪಡೆಯಲು ಅವರು ಮಾಡಿದ ಉಪಾಯ ಆಗಿರಲೂಬಹುದು. ಒಬ್ಬ ವ್ಯಕ್ತಿಯು ಇ.ಡಿಯ 9 ಸಮನ್ಸ್ ಗಳಿಗೆ ನಿರ್ಲಕ್ಷಿಸಿದ್ದಾನೆ ಎಂದಾದರೆ, ಅದು ಬಂಧನಕ್ಕೆ ಉದ್ದೇಶಪೂರ್ವಕವಾಗಿ ಆಹ್ವಾನಿಸಿದಂತೆ. ಒಂದು ವೇಳೆ ಕೇಜ್ರಿವಾಲ್ ಅವರು ಮೊದಲ ಸಮನ್ಸ್ ಗಳಿಗೆ ಉತ್ತರಿಸಿದ್ದಲ್ಲಿ ಅವರನು ಬಂಧಿಸುತ್ತಿರಲಿಲ್ಲ ಎಂದರು.

  ಈ ಹಿಂದೆ ರಾಹುಲ್ ಗಾಂಧಿ ಹಾಗೂ ಸೋನಿಯಾ ಗಾಂಧಿಗೆ ಇ.ಡಿ ಸಮನ್ಸ್ ಜಾರಿ ಮಾಡಿದಾಗ ಅವರು ವಿಚಾರಣೆಗೆ ಹಾಜರಾಗಿದ್ದರು. ಆದರೆ ಕೇಜ್ರಿವಾಲ್ ಅವರ ನಡವಳಿಕೆ ರೂಢಿ ತಪ್ಪಿತ್ತು ಎಂದು ತಿಳಿಸಿದ್ದಾರೆ.