ಮೊದಲ ಮಗುವಿನ ನಿರೀಕ್ಷೆಯಲ್ಲಿ ದೀಪಿಕಾ ಪಡುಕೋಣೆ, ರಣವೀರ್ ಸಿಂಗ್ ಜೋಡಿ

•   Thu, Feb 29 2024 11:01:53 AM



• ಮುಂಬೈ, ಫೆ 29(DaijiworldNews/MS): ಬಾಲಿವುಡ್ ಸ್ಟಾರ್ ಜೋಡಿ ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಈ ಬಗ್ಗೆ ದಂಪತಿಗಳು ಇಂದು ಬೆಳಗ್ಗೆಸಾಮಾಜಿಕ ಮಾಧ್ಯಮ ಇನ್ಸ್ಟಾಗ್ರಾಮ್​ನಲ್ಲಿ ಘೋಷಿಸುವ ಮೂಲಕ ತಮ್ಮ ಅಭಿಮಾನಿಗಳಿಗೆ ಆಶ್ಚರ್ಯವನ್ನುಂಟು ಮಾಡಿದ್ದಾರೆ.

  ರಣವೀರ್ ಮತ್ತು ದೀಪಿಕಾ ಆರು ವರ್ಷಗಳ ಡೇಟಿಂಗ್ ನಂತರ ಇಟಲಿಯ ಲೇಕ್ ಕೊಮೊದಲ್ಲಿ ನವೆಂಬರ್ 14, 2018 ರಂದು ದಾಂಪತ್ಯ ಜೀವನ ಪ್ರವೇಶಿಸಿದ್ದರು. ಸಂಜಯ್ ಲೀಲಾ ಬನ್ಸಾಲಿಯವರ ರೋಮ್ಯಾಂಟಿಕ್ ಚಿತ್ರ ಗೋಲಿಯೋನ್ ಕಿ ರಾಸ್ಲೀಲಾ ರಾಮ್-ಲೀಲಾ ಸೆಟ್ ನಲ್ಲಿ ಇವರಿಬ್ಬರ ಮೊದಲು ಭೇಟಿಯಾಗಿತ್ತು. ದೀಪಿಕಾ ಪಡುಕೋಣೆ ಅವರು ಇತ್ತೀಚೆಗಷ್ಟೇ 38 ವರ್ಷದ ಬರ್ತ್​ಡೇ ಆಚರಿಸಿಕೊಂಡಿದ್ದರು. 77 ನೇ BAFTA ರೆಡ್ ಕಾರ್ಪೆಟ್‌ನಲ್ಲಿ ದೀಪಿಕಾ ತನ್ನ ಬೇಬಿ ಬಂಪ್ ಕಾಣದಂತೆ ಸೀರೆಯನ್ನು ಧರಿಸಿದ್ದರು ಹೀಗಾಗಿ ಅವರ ಪ್ರೆಗ್ನೆನ್ಸಿ ಬಗ್ಗೆ ವದಂತಿಯೂ ಹರಡಿತ್ತು.

  ರಣವೀರ್ ಸಿಂಗ್ ಹಂಚಿಕೊಂಡಿರುವ ಪೋಸ್ಟ್ ನಲ್ಲಿ ಮಗುವಿನ ಬಟ್ಟೆಗಳು, ಮಗುವಿನ ಬೂಟುಗಳು ಮತ್ತು ಬಲೂನ್‌ಗಳ ಮುದ್ದಾದ ಮೋಟಿಫ್‌ಗಳೊಂದಿಗೆ "ಸೆಪ್ಟೆಂಬರ್ 2024" ಎಂದು ಬರೆದಿದೆ. ವರದಿಗಳ ಪ್ರಕಾರ, ದೀಪಿಕಾ ತಮ್ಮ ಎರಡನೇ ತ್ರೈಮಾಸಿಕದಲ್ಲಿದ್ದು ಸೆಪ್ಟೆಂಬರ್ ನಲ್ಲಿ ಅವರ ಹೆರಿಗೆಯಾಗಲಿದೆ.