ಕಾಸರಗೋಡು: ಪೈವಳಿಕೆ ಬಳಿ ಒಂದೇ ಕುಟುಂಬದ ನಾಲ್ವರನ್ನು ಕೊಚ್ಚಿ ಕೊಲೆಗೈದ ಪ್ರಕರಣ: ಆರೋಪಿ ಖುಲಾಸೆ

•   Wed, Feb 28 2024 09:41:14 AM



• ಕಾಸರಗೋಡು, ಫೆ 28(DaijiworldNews/MS): ಪೈವಳಿಕೆ ಬಾಯಾರು ಸಮೀಪ ಒಂದೇ ಕುಟುಂಬದ ನಾಲ್ವರನ್ನು ಕೊಚ್ಚಿ ಕೊಲೆಗೈದ ಪ್ರಕರಣದ ಆರೋಪಿಯನ್ನು ಕಾಸರಗೋಡು ನ್ಯಾಯಾಲಯ ಖುಲಾಸೆ ಗೊಳಿಸಿ ತೀರ್ಫು ನೀಡಿದೆ.

  ಬಾಯಾರು ಸುದೆಂಬಲದ ರೇವತಿ ( 60), ವಿಠಲ (75), ಬಾಬು (68) ಮತ್ತು ಸದಾಶಿವ (50) ಕೊಲೆ ಗೆ ಸಂಬಂಧಪಟ್ಟಂತೆ ಮಂಗಳವಾರ ನ್ಯಾಯಾಲಯ ತೀರ್ಪು ನೀಡಿದೆ.

  ಪ್ರಕರಣದ ಆರೋಪಿಯಾಗಿದ್ದ ಉದಯ(45)ನನ್ನು ಕಾಸರಗೋಡು ಜಿಲ್ಲಾ ಹೆಚ್ಚುವರಿ ಸೆಶನ್ಸ್ ನ್ಯಾಯಾಲಯ ಖುಲಾಸೆಗೊಳಿಸಿದೆ . ಪ್ರಕರಣದ ವಿಚಾರಣೆ ವೇಳೆ ಆರೋಪಿ ಮಾನಸಿಕ ಅಸ್ವಸ್ಥತೆ ಬಗ್ಗೆ ಚಿಕಿತ್ಸಾ ದಾಖಲೆಗಳನ್ನು ಆರೋಪಿ ಪರ ನ್ಯಾಯವಾದಿ ಹಾಜರುಪಡಿಸಿದ್ದು, ಚಿಕಿತ್ಸೆ ನೀಡಿದ್ದ ವೈದ್ಯರನ್ನು ನ್ಯಾಯಾಲಯ ಕರೆಸಲಾಗಿತ್ತು. ಚಿಕಿತ್ಸೆ ಮುಂದುವರಿಸಲು ಉದಯನನ್ನು ಮಾನಸಿಕ ಆರೋಗ್ಯ ಕೇಂದ್ರಕ್ಕೆ ಕೊಂಡೊಯ್ಯುವಂತೆ ನ್ಯಾಯಾಲಯ ಆದೇಶ ನೀಡಿದೆ.