ಲೆಬನಾನ್ ಮೇಲೆ ವಾಯುದಾಳಿ ನಡೆಸಿದ ಇಸ್ರೇಲ್ ಪಡೆ : 10 ಮಂದಿ ಸಾವು    

•   Thu, Feb 15 2024 10:23:51 PM



• ಬೈರೂತ್, ಫೆ 15(DaijiworldNews/SK): ದಕ್ಷಿಣ ಲೆಬನಾನ್ ಮೇಲೆ ಇಸ್ರೇಲ್ ಪಡೆಯು ವಾಯುದಾಳಿ ನಡೆಸಿದ್ದು, ದಾಳಿಯ ಪರಿಣಾಮ ಲೆಬನಾನ್ ನ 10 ನಾಗರಿಕರು ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿದೆ.

  

  ಲೆಬನಾನ್ ನ ಹಿಜ್ಬುಲ್ಲಾ ಬಂಡುಕೋರರ ಪಡೆಯು ಇಸ್ರೇಲ್ ನ ಸಫೇದ್ ಪಟ್ಟಣದ ಮೇಲೆ ಫೆ 14 ರಂದು ದಾಳಿ ನಡೆಸಿತ್ತು. ಈ ಘಟನೆಯಿಂದಾಗಿ ಇಸ್ರೇಲ್ ನ ಯೋಧೆ ಮತ್ತು 8 ಮಂದಿ ಗಾಯಗೊಂಡಿದ್ದರು. ಇದೀಗ ಈ ದಾಳಿಯ ಪ್ರತಿಯಾಗಿ ಇಸ್ರೇಲ್ ಲೆಬನಾನ್ ಮೇಲೆ ದಾಳಿ ನಡೆಸಿರುವುದಾಗಿ ತಿಳಿದು ಬಂದಿದೆ.

  ಇನ್ನು ದಾಳಿಯಲ್ಲಿ ಲೆಬನಾನ್ ನ ನಾಬಾತಿಯೇಹ್ ಪಟ್ಟಣದಲಿ ಒಂದೇ ಕುಟುಂಬದ ಏಳು ಮಂದಿ ಮೃತಪಟ್ಟಿದ್ದು, ಸೌವಾನೆಹ್ ನಲ್ಲಿ ಮಹಿಳೆ ಮತ್ತು ಆಕೆಯ ಇಬ್ಬರು ಮಕ್ಕಳು ಸಾವನ್ನಪ್ಪಿದ್ದಾರೆ.

  ಈ ವಿಚಾರವಾಗಿ ಪ್ರತಿಕ್ರಿಯಿಸಿದ ಹಿಜ್ಬುಲ್ಲಾ ಬಂಡುಕೋರರ ಪಡೆಯು ಇಸ್ರೇಲ್ ವಿರುದ್ದ ಪ್ರತೀಕಾರ ತೀರಿಸಿಕೊಳ್ಳುವುದಾಗಿ ತಿಳಿಸಿದೆ.