ಯಶ್ ಜೊತೆ ನಟಿಸಲು ಇಷ್ಟವೆಂದ ಕರೀನಾ ಕಪೂರ್‌

•   Thu, Nov 16 2023 08:20:05 PM



• ಮುಂಬೈ, ನ.16 (DaijiworldNews/SK): ಕೆಜಿಎಫ್‌ ಸಿನಿಮಾ ಬಿಡುಗಡೆ ಆದ ಬಳಿಕ ರಾಕಿಂಗ್‌ ಸ್ಟಾರ್‌ ಯಶ್‌ ಕೇವಲ ಕರ್ನಾಟಕಕ್ಕೆ ಸೀಮಿತವಾದ ನಟನಾಗಿಲ್ಲ. ಸೌತ್‌ ಸಿನಿಮಾ ದುನಿಯಾವನ್ನೂ ಮೀರಿ, ಬಾಲಿವುಡ್‌ ಸಿನಿಮಾ ಮಂದಿಯಿಂದಲೂ ಮೆಚ್ಚುಗೆ ಪಡೆದ ಯಶ್‌ ಅವರಿಗೆ ದೊಡ್ಡ ಅಭಿಮಾನಿಗಳ ವರ್ಗವೇ ಸೃಷ್ಠಿಯಾಗಿದೆ.

  ಇದೀಗ ಕಾಫಿ ವಿತ್‌ ಕರಣ್-8 ಶೋನಲ್ಲಿ ಕರೀನಾ ಕಪೂರ್‌ ಯಶ್ ಬಗ್ಗೆ ಮಾತನಾಡಿರುವ ವೀಡಿಯೋ ಸಾಮಾಜಿಕ ಜಾಲತಾಣ ಸಖತ್ ವೈರಲ್ ಆಗುತ್ತಿದೆ.ಬಾಲಿವುಡ್‌ ನಿರ್ದೇಶಕ ಕರಣ್‌ ಜೋಹರ್ ನಡೆಸಿ ಕೊಡುವ ‌ʼಕಾಫಿ ವಿತ್‌ ಕರಣ್-8ʼ ಆರಂಭವಾಗಿದೆ.

  ಈ ಶೋನಲ್ಲಿ ಈ ವಾರದ ಅತಿಥಿಗಳಾಗಿ ಕರೀನಾ ಕಪೂರ್‌ ಮತ್ತು ಆಲಿಯಾ ಭಟ್‌ ಆಗಮಿಸಿದ್ದರು. ಈ ಜೋಡಿಯ ಜತೆಗೆ ಮಾತಿನ ಹರಟೆ ಆರಂಭಿಸಿದ ಕರಣ್, ಸಿನಿಮಾ ಸೇರಿ, ಕಾಂಟ್ರವರ್ಸಿ, ಸಿನಿಮಾ ಸೋಲು, ಗೆಲುವು ಮತ್ತು ವೈಯಕ್ತಿಕ ವಿಚಾರಗಳ ಬಗ್ಗೆ ಮಾತುಕತೆ ನಡೆಸಿದರು.

  ಈ ವೇಳೆ ಕರೀನಾ ಬಳಿ ಕರಣ್‌ ರ‍್ಯಾಪಿಡ್ ಫೈರ್ ರೌಂಡ್‌ ಪ್ರಶ್ನೆಯನ್ನು ಕೇಳಿದ್ದಾರೆ. ಯಾವ ಸೌತ್ ಸ್ಟಾರ್‌ ಜೊತೆ ನಟಿಸಲು ಇಷ್ಟಪಡುತ್ತೀರಿ ಎನ್ನುವ ಪ್ರಶ್ನೆಯನ್ನು ಕೇಳಿ ಪ್ರಭಾಸ್‌, ರಾಮ್‌ ಚರಣ್‌, ಅಲ್ಲು ಅರ್ಜುನ್‌, ವಿಜಯ್‌ ದೇವರಕೊಂಡ ಹಾಗೂ ಯಶ್‌ ಅವರ ಆಯ್ಕೆಯನ್ನು ಕೊಟ್ಟಿದ್ದಾರೆ.

  ಆಗ ಉತ್ತರ ನೀಡಿದ ಕರೀನಾ ಎಲ್ಲರೂ ಸೂಪರ್ ಆದರೆ ನಾನು ಕೆಜಿಎಫ್‌ ಹುಡುಗಿ. ನನಗೆ ಕೆಜಿಎಫ್‌ ಸಿನಿಮಾ ಅಂದ್ರೆ ಇಷ್ಟ ನಾನು ಕೆಜಿಎಫ್ ಗರ್ಲ್, ಕೆಜಿಎಫ್ ಸಿನಿಮಾ ಹೀರೋ ಯಶ್ ಜೊತೆಗೆ ನಾನು ಪೇರ್ ಆಗಲು ಇಷ್ಟ ಪಡುತ್ತೇನೆ ಅಂತ ಕರೀನಾ ಕಪೂರ್ ಹೇಳಿಕೊಂಡಿದ್ದಾರೆ. ಈ ವಿಡಿಯೋ ಈಗ ಬಾರಿ ಸದ್ದು ಮಾಡಿದೆ.