ಆಸ್ಟ್ರೇಲಿಯಾ ಪ್ರಕಟಿಸಿದ ವಿಶ್ವಕಪ್​ ತಂಡಕ್ಕೆ ಕೊಹ್ಲಿ ನಾಯಕ

•   Mon, Nov 13 2023 05:59:42 PM



• ಸಿಡ್ನಿ, ನ 13 (DaijiworldNews/MR): ವಿಶ್ವಕಪ್ ಟೂರ್ನಿಯ ಸೆಮಿಫೈನಲ್​ ಪಂದ್ಯ ಆರಂಭಕ್ಕೆ ಇನ್ನೊಂದು ದಿನ ಮಾತ್ರ ಬಾಕಿ ಉಳಿದಿದೆ. ಮೊದಲ ಸೆಮಿಫೈನಲ್​ ಪಂದ್ಯದಲ್ಲಿ ಭಾರತ ಮತ್ತು ನ್ಯೂಜಿಲ್ಯಾಂಡ್ ಮುಖಾಮುಖಿಯಾಗಲಿದೆ.

  ನ.16ರಂದು ನಡೆಯುವ ದ್ವಿತೀಯ ಸೆಮಿಫೈನಲ್​ನಲ್ಲಿ ಆಸ್ಟ್ರೇಲಿಯಾ ಮತ್ತು ದಕ್ಷಿಣ ಆಫ್ರಿಕಾ ಸೆಣಸಾಡಲಿದೆ. ಇದಕ್ಕೂ ಮುನ್ನವೇ ​ ಆಸ್ಟ್ರೇಲಿಯಾ ವಿಶ್ವಕಪ್​ ತಂಡವೊಂದನ್ನು ಪ್ರಕಟಿಸಿದೆ.

  
  ಕ್ರಿಕೆಟ್​ ಆಸ್ಟ್ರೇಲಿಯಾ ಪ್ರಕಟಿಸಿದ ವಿಶ್ವಕಪ್​ ತಂಡಕ್ಕೆ ವಿರಾಟ್​ ಕೊಹ್ಲಿ ನಾಯಕ. ಆದರೆ ಅಚ್ಚರಿ ವಿಷಯ ಅಂದರೆ ಟೀಮ್​ ಇಂಡಿಯಾದ ನಾಯಕ ರೋಹಿತ್​ ಶರ್ಮ ಈ ತಂಡದಲ್ಲಿ ಸ್ಥಾನ ಪಡೆಯುವಲ್ಲಿ ವಿಫಲರಾಗಿದ್ದಾರೆ.

  
  ಆರಂಭಿಕನಾಗಿ ಕ್ವಿಂಟನ್​ ಡಿ ಕಾಕ್​ ಮತ್ತು ಡೇವಿಡ್​ ವಾರ್ನರ್​ ಕಾಣಿಸಿಕೊಂಡಿದ್ದಾರೆ. ನ್ಯೂಜಿಲ್ಯಾಂಡ್​ ತಂಡದಿಂದ ಏಕೈಕ ಆಟಗಾರನಾಗಿ ರಚಿನ್​ ರವೀಂದ್ರ ಸ್ಥಾನ ಪಡೆದುಕೊಂಡಿದ್ದಾರೆ. ತಂಡದಲ್ಲಿ ಬಹು ಪಾಲು ಭಾರತೀಯರೇ ಕಾಣಿಸಿಕೊಂಡಿದ್ದು, ಒಟ್ಟು 4 ಮಂದಿ ಸ್ಥಾನ ಪಡೆದಿದ್ದಾರೆ.

  
  ಇನ್ನು ಕ್ರಿಕೆಟ್​ ಆಸ್ಟ್ರೇಲಿಯಾ ಪ್ರಕಟಿಸಿರುವ ತಂಡದಲ್ಲಿ ಕ್ವಿಂಟನ್​ ಡಿ ಕಾಕ್​, ಡೇವಿಡ್​ ವಾರ್ನರ್​, ರಚಿನ್​ ರವೀಂದ್ರ, ವಿರಾಟ್​ ಕೊಹ್ಲಿ, ಐಡೆನ್​ ಮಾರ್ಕ್ರಮ್​, ಗ್ಲೆನ್​ ಮ್ಯಾಕ್ಸ್​ವೆಲ್​, ಮಾರ್ಕೊ ಜಾನ್ಸೆನ್​, ರವೀಂದ್ರ ಜಡೇಜಾ, ಮೊಹಮ್ಮದ್​ ಶಮಿ, ಆ್ಯಡಂ ಜಂಪಾ, ಜಸ್​ಪ್ರೀತ್​ ಬುಮ್ರಾ ಸ್ಥಾನ ಪಡೆದುಕೊಂಡಿದ್ದಾರೆ.