ಮಂಗಳೂರು: 'ಕಳಮಶೇರಿ ಸ್ಪೋಟದ ಹಿನ್ನಲೆ ರಾಜ್ಯದಲ್ಲೂ ಎಚ್ಚರಿಕೆ' -ಗೃಹ ಸಚಿವ ಪರಮೇಶ್ವರ್

•   Sun, Oct 29 2023 05:51:56 PM



• ಮಂಗಳೂರು, ಅ 29 (DaijiworldNews/RA): ಕೇರಳದ ಎರ್ನಾಕುಲಂನ ಕಳಮಶೇರಿಯಲ್ಲಿ ನಡೆದ ಸ್ಪೋಟದ ಹಿನ್ನಲೆಯಲ್ಲಿ ರಾಜ್ಯದಲ್ಲಿಎಚ್ಚರಿಕೆ ನೀಡಲಾಗಿದೆ ಎಂದು ರಾಜ್ಯ ಗೃಹ ಸಚಿವ ಡಾ.ಜಿ ಪರಮೇಶ್ವರ್‍ ಹೇಳಿದ್ದಾರೆ.

  ಎರ್ನಾಕುಲಂನ ಕಳಮಶೇರಿಯಲ್ಲಿರುವ ಕನ್ವೆನ್ಷನ್ ಸೆಂಟರ್‌ನಲ್ಲಿ ಕ್ರೈಸ್ತ ಪಂಗಡದವರ ಯಾಹೋವಾ ಸಾಕ್ಷಿ ಸಮಾವೇಶದಲ್ಲಿ ನಡೆದ ಭೀಕರ ಸ್ಫೋಟದ ಕುರಿತು ನಗರದಲ್ಲಿ ಮಾಧ್ಯಮಗಳಿಗೆ ಪ್ರತಿಕ್ರಿಯೆ ಮಾತನಾಡಿದ ಅವರು, ರಾಜ್ಯದಲ್ಲಿ ಈಗಾಗಲೇ ಅಲರ್ಟ್ ಘೋಷಣೆ ಮಾಡಲಾಗಿದ್ದು, ಪೊಲೀಸ್ ಇಲಾಖೆ ಈ ಬಗ್ಗೆ ಮಾನಿಟರ್ ಮಾಡುತ್ತಿದೆ.

  ಕೇರಳದಲ್ಲಿ ನಡೆದ ಘಟನೆಯ ಹಿಂದೆ ಯಾರ ಕೈವಾಡವಿದೆ ಎಂಬ ಬಗ್ಗೆ ಮಾಹಿತಿ ಇಲ್ಲ, ಆದರೆ ಮಂಗಳೂರು ಸೇರಿದಂತೆ ರಾಜ್ಯದ ಗಡಿ ಭಾಗದಲ್ಲೂ ತಪಾಸಣೆಗೆ ಸೂಚಿಸಲಾಗಿದೆ ಎಂದು ಹೇಳಿದ್ದಾರೆ.