ಹಮಾಸ್​​​​ ಸುರಂಗದ ಮೇಲೆ ದಾಳಿ ನಡೆಸಿದ ಇಸ್ರೇಲ್‌ -150 ಉಗ್ರರ ಹತ್ಯೆ

•   Sat, Oct 28 2023 04:51:09 PM



• ಇಸ್ರೇಲ್‌,ಅ 28 (DaijiworldNews/AK): ಇಸ್ರೇಲ್ ಸೇನೆ ಹಮಾಸ್​​ ಸುರಂಗ ನೆಲೆಗಳ ಮೇಲೆ ದಾಳಿ ನಡೆಸಿದೆ. ಇಸ್ರೇಲ್‌ನ , ಯುದ್ಧ ಎಂಜಿನಿಯರಿಂಗ್ ಪಡೆಗಳು ಮತ್ತು ಟ್ಯಾಂಕ್‌ಗಳು ಗಾಜಾ ಪಟ್ಟಿಯೊಳಗೆ ನೆಲೆ ನಿಂತಿದೆ. ಈಗಾಗಲೇ ಗಾಜಾ ಪಟ್ಟಿಯ ಸುತ್ತ ಇಸ್ರೇಲ್​​ ಸೇನೆ ಸುತ್ತುವರಿದಿದೆ.

  ಇಸ್ರೇಲ್‌ನ ಐ ಡಿಎಫ್‌ ಫೈಟರ್ ಜೆಟ್‌ಗಳು ಟುನೈಟ್ ಉತ್ತರ ಗಾಝಾ ಸ್ಟ್ರಿಪ್‌ನಲ್ಲಿ ಸುಮಾರು 150 ಹಮಾಸ್​​​ ಉಗ್ರರನ್ನು ಹತ್ಯೆ ಮಾಡಿದೆ ಎನ್ನಲಾಗಿದೆ.ಇಸ್ರೇಲ್​​ ಈ ಹಿಂದೆ  ಹಮಾಸ್​​​ ಸಂಘಟನೆಯನ್ನು ನಿರ್ಮೂಲನೆ ಮಾಡುವುದಾಗಿ ಹೇಳಿತ್ತು. ಇದೀಗ ಹಮಾಸ್​​ ತಾಣಗಳು, ಸುರಂಗ, ಇತರ ತಾಣಗಳನ್ನು ನಾಶ ಮಾಡುತ್ತಿದೆ.

  ಇಸ್ರೇಲಿ ಫೈಟರ್ ಜೆಟ್‌ಗಳು ಹಮಾಸ್‌ನ ಏರಿಯಲ್ ಅರೇ ಮುಖ್ಯಸ್ಥ ಅಸೆಮ್ ಅಬು ರಕಾಬಾ ಅವರ ಮೇಲೂ ದಾಳಿ ಮಾಡಿತ್ತು. ಹಮಾಸ್‌ನ ಡ್ರೋನ್‌ಗಳು, ಪ್ಯಾರಾಗ್ಲೈಡರ್‌ಗಳು, ವೈಮಾನಿಕ ಪತ್ತೆ ಮತ್ತು ರಕ್ಷಣೆಯ ಜವಾಬ್ದಾರಿಯನ್ನು ಅಬು ರಕಾಬಾ ವಹಿಸಿದ್ದರು.ಅ.​​ 7ರಂದು ನಡೆದ ಹಮಾಸ್​​ ದಾಳಿಯ ಹಿಂದೆ ಅಸೆಮ್ ಅಬು ರಕಾಬಾ ಅವರ ಕೈವಾಡ ಇದೆ ಎಂದು ಹೇಳಲಾಗಿದೆ.