ಡೈಮಂಡ್ ಲೀಗ್ ಫೈನಲ್‌‌ - ನೀರಜ್ ಚೋಪ್ರಾಗೆ 2ನೇ ಸ್ಥಾನ

•   Sun, Sep 17 2023 09:25:56 AM



• ನವದೆಹಲಿ, ಸೆ 17 (DaijiworldNews/HR): ಭಾರತೀಯ ಅಥ್ಲೀಟ್, ಜಾವೆಲಿನ್ ಪಟು ನೀರಜ್ ಚೋಪ್ರಾ ಅವರು ಪ್ರತಿಷ್ಠಿತ ಡೈಮಂಡ್ ಲೀಗ್ ಫೈನಲ್‌‌ನಲ್ಲಿ ಎರಡನೇ ಸ್ಥಾನ ಪಡೆದುಕೊಂಡಿದ್ದಾರೆ.

  ನೀರಜ್ ಚೋಪ್ರಾ ಅವರು 83.80 ಮೀಟರ್ ದೂರಕ್ಕೆ ಜಾವೆಲಿನ್ ಎಸೆದಿದ್ದಾರೆ. ಆದರೆ ಜೆಕ್ ಗಣರಾಜ್ಯದ ಜಾಕುಬ್ ವದ್ಲೇಚ್ ಎಸೆದ 84.24 ಮೀಟರ್ ದೂರವನ್ನು ಹಿಂದಿಕ್ಕಲು ಇದು ಸಾಕಾಗಲಿಲ್ಲ.

  ಇನ್ನು ಸೆ.16ರ ಶನಿವಾರ ಅಮೇರಿಕಾದ ಯುಜೀನ್‌ನಲ್ಲಿ ನಡೆದ ಡೈಮಂಡ್ ಲೀಗ್ ಫೈನಲ್‌ ಪಂದ್ಯದ ವೇಳೆ ಹಾರ್ವರ್ಡ್‌ ಅಂಗಳದಲ್ಲಿ ಸ್ಪರ್ಧೆ ನಡೆಯುತ್ತಿದ್ದ ವೇಳೆ ಗಾಳಿ ಬಲವಾಗಿ ಬೀಸಿದ್ದರಿಂದ ಚೋಪ್ರಾ ಪ್ರದರ್ಶನಕ್ಕೆ ಅಡ್ಡಿಯಾಯಿತು ಎನ್ನಲಾಗಿದೆ.