ಜರ್ಮನಿಯಲ್ಲಿ ಕರ್ನಾಟಕ ಮೂಲದ ಪ್ರಶಾಂತ್​ ಮತ್ತು ಸ್ಮಿತಾ ಬಸ್ರೂರು ದಂಪತಿಗೆ ಚೂರಿ ಇರಿತ, ಪತಿ ಸಾವು

•   Sat, Mar 30 2019 03:54:20 PM



• ನವದೆಹಲಿ,ಮಾ 30(MSP): ಜರ್ಮನಿಯ ಮ್ಯೂನಿಚ್​ನಲ್ಲಿ ಅಪರಿಚಿತ ವಲಸಿಗನೊಬ್ಬ ಕರ್ನಾಟಕ ಮೂಲದ ದಂಪತಿ ಗೆ ಚೂರಿ ಇರಿದಿದ್ದು ಪರಿಣಾಮ ಪತಿ ಸಾವನ್ನಪ್ಪಿದ್ದು ಪತ್ನಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಚೇತರಿಸಿಕೊಳ್ಳುತ್ತಿದ್ದಾರೆ ಎಂದು ತಿಳಿದುಬಂದಿದೆ.

  

  ದಂಪತಿಗಳನ್ನು ಕರ್ನಾಟಕ ಪ್ರಶಾಂತ್​ ಮತ್ತು ಸ್ಮಿತಾ ಬಸ್ರೂರು ಎಂದು ಗುರುತಿಸಲಾಗಿದೆ. ಈ ಕುರಿತು ಟ್ವೀಟ್​ ಮಾಡಿರುವ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್​, ಮ್ಯೂನಿಚ್ ನಲ್ಲಿ ಅಪರಿಚಿತ ವಲಸಿಗನೊಬ್ಬ ಚೂರಿ ಇರಿತಕ್ಕೆ ಭಾರತೀಯನೊಬ್ಬ ಮೃತಪಟ್ಟಿದ್ದು, ಅವರ ಪತ್ನಿ ಸಿತ್ಮಾ ಅವರು ಚಿಕಿತ್ಸೆಯಿಂದಾಗಿ ಚೇತರಿಸಿಕೊಳ್ಳುತ್ತಿದ್ದಾರೆ ಎಂದಿದ್ದಾರೆ.

  ಪ್ರಶಾಂತ್​ ಮತ್ತು ಸ್ಮಿತಾ ದಂಪತಿಗೆ ಮೂವರು ಮಕ್ಕಳಿದ್ದು, ಸ್ಮಿತಾ ಕರ್ನಾಟಕದ ಸಿದ್ದಾಪುರ ಮೂಲದವರಾದರೆ, ಪ್ರಶಾಂತ್​ ಬಸ್ರೂರು ಮೂಲದವರು ಎಂದು ತಿಳಿದುಬಂದಿದೆ. ಪ್ರಶಾಂತ್​ ಅವರ ಸಹೋದರನನ್ನು ಮ್ಯೂನಿಚ್​ಗೆ ಕಳುಹಿಸಲು ವ್ಯವಸ್ಥೆ ಮಾಡಲಾಗುತ್ತಿದ್ದು, ಅವರ ಕುಟುಂಬ ಅಲ್ಲಿ ತಲುಪುವವರೆಗೆ ಮಕ್ಕಳ ಆರೈಕೆ ಮಾಡುವಂತೆ ಜರ್ಮನಿಯಲ್ಲಿರುವ ಭಾರತೀಯ ದೂತವಾಸದ ಅಧಿಕಾರಿಗಳಿಗೆ ಸೂಚನೆ ನೀಡಿರುವುದಾಗಿ ತಿಳಿಸಿದ್ದಾರೆ. ಪ್ರಶಾಂತ್​ ಸಿತ್ಮಾ ದಂಪತಿ ಕಳೆದ 15 ವರ್ಷಗಳಿಂದ ಮ್ಯೂನಿಚ್​ನಲ್ಲಿ ನೆಲೆಸಿದ್ದರು ಎಂದು ತಿಳಿದುಬಂದಿದೆ.