'ನಾನೂ ಹಿಂದೂ, ಆದರೂ ಆರ್​ಎಸ್​ಎಸ್​ ಗೆ ಯಾಕೆ ನನ್ನ ಮೇಲೆ ದ್ವೇಷ' - ದಿಗ್ವಿಜಯ್‌ ಸಿಂಗ್‌ ಪ್ರಶ್ನೆ

•   Fri, Mar 29 2019 01:35:03 PM



• ಭೋಪಾಲ್ ಮಾ 29 (MSP): ಲೋಕ ಸಮರದ ಅತ್ಯಂತ ಪೈಪೋಟಿಯ ಕ್ಷೇತ್ರ ಎಂದು ಪರಿಗಣಿತವಾಗಿರುವ ಮಧ್ಯಪ್ರದೇಶದ ಭೋಪಾಲ್‌ ನ ಕಾಂಗ್ರೆಸ್‌ ಅಭ್ಯರ್ಥಿ ಮಾಜಿ ಮುಖ್ಯಮಂತ್ರಿ ದಿಗ್ವಿಜಯ್‌ ಸಿಂಗ್‌ ಆರ್​ಎಸ್​ಎಸ್ ವಿರುದ್ದ ಕಿಡಿಕಾರಿದ್ದಾರೆ.

  

  
  ನಾನೊಬ್ಬ ಹಿಂದೂ ಆಗಿದ್ದರೂ ನನ್ನ ಮೇಲೆ ಆರ್​ಎಸ್​ಎಸ್​ ಯಾಕೆ ಹಗೆ ಸಾಧಿಸುತ್ತಿದೆ ಎಂದು ತಿಳಿಯುತ್ತಿಲ್ಲ. ಯಾವುದೇ ಧರ್ಮಕ್ಕೆ ರಾಜಕೀಯದ ಲೇಬಲ್ ಹಚ್ಚಬಾರದು. ನಾನು ಶಂಕರಾಚಾರ್ಯರ ಅನುಯಾಯಿ ಅವರ ಆದರ್ಶಗಳ ಮೇಲೆ ನಂಬಿಕೆಯಿಟ್ಟು ಅದೇ ದಾರಿಯಲ್ಲಿ ನಡೆಯುತ್ತಿರುವವನು. ಹಾಗೆಂದು ಈ ವಿಚಾರಗಳನ್ನು ನಾನು ಎಂದೂ ಚುನಾವಣೆ ಸಂದರ್ಭದಲ್ಲಿ ಬಳಸಿಲ್ಲ, ಅದನ್ನು ಎಲ್ಲೂ ತೋರ್ಪಡಿಸಿಲ್ಲ ಎಂದಿದ್ದಾರೆ.

  ಆರ್​​​ಎಸ್​​ಎಸ್​​ ಸಂಘಟನೆಯೂ ಹಿಂದೂ ಧರ್ಮದ ಸಂಸ್ಥೆಯಾಗಿದ್ದರೆ ನನಗೇನು ತಕರಾರಿಲ್ಲ, ಆದರೆ ನಾನು ಕೂಡ ಹಿಂದೂ ಎನ್ನುವುದನ್ನು ಅರ್ಥಮಾಡಿಕೊಳ್ಳಿ ಎಂದು ದಿಗ್ವಿಜಯ್ ತಿಳಿಸಿದ್ದಾರೆ.

  ನಾನೊಬ್ಬ ಹಿಂದೂ ಎನ್ನುವುದು ಆರ್​​​ಎಸ್​​ಎಸ್​​ ಸಂಘಟನೆಗೆ ಅರಿವಿದ್ದರೂ ನನ್ನ ಮೇಲೆ ಯಾಕೆ ದ್ವೇಷ ಎಂದು ಪ್ರಶ್ನಿಸಿರುವ ಅವರು, ನಾನು ಆರ್​​ಎಸ್​​ಎಸ್​ನ ಹಾಗೂ ಹಿಂದೂ ವಿರೋಧಿಯಲ್ಲ ಅಂತ ಸ್ಪಷ್ಟಪಡಿಸಿದ್ದಾರೆ. ರಾಜಕೀಯಕ್ಕೆ ಒಂದು ಕುಟುಂಬವನ್ನೂ ಎರಡು ಭಾಗ ಮಾಡುವ ಶಕ್ತಿ ಇದೆ. ಅದ್ದರಿಂದ ರಾಜಕೀಯವನ್ನು ಧರ್ಮದ ಜೊತೆಗೆ ಸಮೀಕರಿಸಬಾರದು ಎಂದು ಎಚ್ಚರಿಕೆ ನೀಡಿದ್ದಾರೆ.