‘ ಮೈ ಭೀ ಚೌಕಿದಾರ್‌ ’  ಅಲ್ಲ, ಅದು ‘ ಫೇಕು ಚೌಕಿದಾರ್‌ ’  - ಕಾಂಗ್ರೆಸ್ ವ್ಯಂಗ್ಯ

•   Wed, Mar 27 2019 12:59:22 PM



• ಬೆಂಗಳೂರು, ಮಾ27(SS):  ಪ್ರಧಾನಿ ನರೇಂದ್ರ ಮೋದಿ ಆರಂಭಿಸಿದ ಮೈ ಭೀ ಚೌಕಿದಾರ್‌ ಅಭಿಯಾನವನ್ನು ಕರ್ನಾಟಕ ಕಾಂಗ್ರೆಸ್‌ ಫೇಕು ಚೌಕಿದಾರ್‌' ಟೀಕಿಸಿದೆ. 

  

  ಮೈ ಭೀ ಚೌಕಿದಾರ್‌ ಅಭಿಯಾನ ಅರಂಭಿಸಿದ ಪ್ರಧಾನಿ ನರೇಂದ್ರ ಮೋದಿ ತಮ್ಮ ಟ್ವೀಟರ್‌ ಖಾತೆಯ ಹೆಸರಿನ ಮುಂದೆ ಚೌಕಿದಾರ್‌ ಸೇರಿಸಿಕೊಂಡಿದ್ದರು. ಪಿಎಂ ಮೋದಿ ಅವರನ್ನು ಹಿಂಬಾಲಿಸಿದ ಬಿಜೆಪಿ ಸಚಿವರು ತಮ್ಮ ಹೆಸರುಗಳ ಮುಂದೆ ಚೌಕಿದಾರ ಎಂದು ಸೇರಿಸಿಕೊಂಡರು. ನಂತರ ಬಿಜೆಪಿ ಬೆಂಬಲಿಗರು ತಮ್ಮ ಸಾಮಾಜಿಕ ತಾಣಗಳ ಖಾತೆಯ ಹೆಸರನ್ನು ಚೌಕಿದಾರ ಎಂದು ಸೇರಿಸಿಕೊಂಡು ಬದಲಾಯಿಸಿಕೊಳ್ಳುತ್ತಿದ್ದಾರೆ. 

  ರಾಷ್ಟ್ರದಲ್ಲಿ ಕೋಟಿ ಉದ್ಯೋಗ ಸೃಷ್ಟಿ ಮಾಡುತ್ತೇನೆ ಎಂದು ಭರವಸೆ ನೀಡಿದ್ದ ಪ್ರಧಾನಿ ನರೇಂದ್ರ ಮೋದಿ ಅವರು ಸಾಧಿಸಿ ತೋರಿಸಿದ್ದಾರೆ. ಕಳೆದ ಒಂದೇ ವಾರದಲ್ಲಿ ಸಾಮಾಜಿಕ ತಾಣಗಳಲ್ಲಿ ಹೆಸರು ಬದಲಾವಣೆ ಮೂಲಕ ಒಂದು ಕೋಟಿಗೂ ಅಧಿಕ ಚೌಕಿದಾರರನ್ನು ನೇಮಕ ಮಾಡಿದ್ದಾರೆ ಎಂದು ವ್ಯಂಗ್ಯ ಮಾಡಿದ್ದಾರೆ. 
  
  ರಾಷ್ಟ್ರದಲ್ಲಿ ಬಿಜೆಪಿ ಬೆಂಬಲಿಗರು ತಮ್ಮ ಹೆಸರುಗಳ ಮುಂದೆ ಚೌಕಿದಾರ ಎಂದು ಸೇರಿಸಿಕೊಳ್ಳುವುದು ಹಾಸ್ಯಾಸ್ಪದ ಎಂದಿರುವ ಕಾಂಗ್ರೆಸ್‌, ಈ ಮೂಲಕ ಒಂದು ಕೋಟಿಗೂ ಹೆಚ್ಚು ವಾಚ್‌ಮನ್‌ಗಳನ್ನು ನೇಮಕ ಮಾಡಿದೆ ಎಂದು ಟ್ವೀಟ್‌ ಮಾಡಿದ್ದಾರೆ.