ಪತ್ನಿ ಮಕ್ಕಳ ಬಗ್ಗೆ ವಿಭಿನ್ನವಾಗಿ ಪ್ರೀತಿ ತೋರಿದ ಕ್ರಿಕೆಟಿಗ ಡೇವಿಡ್ ವಾರ್ನರ್

•   Sun, Apr 02 2023 03:33:58 PM



• ನವದೆಹಲಿ ಏ 02 (DaijiworldNews/SS):ಕ್ರಿಕೆಟಿಗ ಡೇವಿಡ್ ವಾರ್ನರ್ ಆಗಾಗ ತಮ್ಮ ಟ್ಯಾಲೆಂಟ್ ಮೂಲಕ ಸುದ್ದಿಯಾಗುತ್ತಿರುತ್ತಾರೆ. ಕುಟುಂಬಸ್ಥರ ಜೊತೆ ಸೇರಿ, ರೀಲ್ಸ್ ಮಾಡುವ ವಾರ್ನರ್ ಈ ಬಾರಿ, ಕಸ್ಟಮೈಸ್ ಮಾಡಿದ ಶೂಗಳನ್ನು ಧರಿಸಿ ಅವರ ಪತ್ನಿ ಮತ್ತು ಪುತ್ರಿಯರ ಹೆಸರನ್ನು ಮುದ್ರಿಸಿದ್ದಾರೆ. ಈ ರೀತಿ ವಿಭಿನ್ನವಾಗಿ ವಾರ್ನರ್ ಕುಟುಂಬಕ್ಕಾಗಿ ತಮ್ಮ ಪ್ರೀತಿಯನ್ನ ತೋರಿಸಿದ್ದಾರೆ.

  ಪತ್ನಿ ಕ್ಯಾಂಡಿಸ್ ವಾರ್ನರ್, ಮಕ್ಕಳಾದ ಇಂಡಿ ರೇ ವಾರ್ನರ್, ಇಸ್ಲಾ ರೇ ವಾರ್ನರ್, ಇವಿ ಮೇ ವಾರ್ನರ್ ಹೆಸರನ್ನ ಡೇವಿಡ್ ವಾರ್ನರ್ ತಮ್ಮ ಶೂ ಮೇಲೆ ಬರೆಸಿಕೊಂಡಿದ್ದಾರೆ.

  ಐಪಿಎಲ್‌ ಪಂದ್ಯಕ್ಕಾಗಿ ದೆಹಲಿ ಕ್ಯಾಪಿಟಲ್ಸ್ ಗುಂಪಿನಲ್ಲಿರುವ ವಾರ್ನರ್, ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ಪಂದ್ಯ ಆಡುವಾಗ ಈ ಶೂ ಧರಿಸಿದ್ದರು. ಇದು ಎಲ್ಲರ ಗಮನ ಸೆಳೆದಿದ್ದಲ್ಲದೇ, ಕುಟುಂಬದ ಬಗ್ಗೆ ವಾರ್ನರ್‌ಗೆ ಇರುವ ಪ್ರೀತಿ, ಕಾಳಜಿ ಬಗ್ಗೆ ತೋರ್ಪಡಿಸುವಂತಿತ್ತು.

  ಸನ್‌ರೈಸರ್ಸ್ ಹೈದರಾಬಾದ್ ತಂಡದಿಂದ ಹೊರಬಂದ ಬಳಿಕ ವಾರ್ನರ್ 2022ರಲ್ಲಿ ದೆಹಲಿ ಕ್ಯಾಪಿಟಲ್ಸ್ ತಂಡ ಸೇರಿಕೊಂಡರು. 6.25 ಕೋಟಿ ಕೊಟ್ಟು ದೆಹಲಿ ತಂಡ ವಾರ್ನರ್‌ರನ್ನ ತಮ್ಮ ಟೀಂಗೆ ಸೇರಿಸಿಕೊಂಡಿತ್ತು. ಆದರೆ ಆ ವರ್ಷ ದೆಹಲಿ ಟೀಂ ಆಟ ಗೆಲ್ಲಲಾಗದೇ, ಮನೆಗೆ ಮರಳಿತ್ತು.

  ಐಪಿಎಲ್ ಜೊತೆ ವಾರ್ನರ್ ಮತ್ತು ಅವರ ಕುಟುಂಬ ರೀಲ್ಸ್ ಮಾಡುವುದರಲ್ಲಿ ತುಂಬಾ ಫೇಮಸ್ ಆಗಿದೆ. ಅದರಲ್ಲೂ ಕನ್ನಡ, ತೆಲುಗು, ತಮಿಳು, ಹಿಂದಿ ಹಾಡಿಗೆ ಹೆಜ್ಜೆ ಹಾಕುವ, ಡೈಲಾಗ್ ಹೇಳುವ ವಾರ್ನರ್, ಮತ್ತು ಅವರ ಪತ್ನಿ ಮಕ್ಕಳು ಭಾರತೀಯರಿಗೂ ಅಚ್ಚುಮೆಚ್ಚಾಗಿದ್ದಾರೆ.