ಭಾರತಕ್ಕೆ ಬಂದಿಳಿದ ಜಪಾನ್ ಪ್ರಧಾನಿ ಕಿಶಿಡಾ - ಮೋದಿ ಜತೆ ಮಾತುಕತೆ

•   Mon, Mar 20 2023 09:53:34 AM



• ನವದೆಹಲಿ, ಮಾ 20 (DaijiworldNews/MS): ಜಪಾನ್ ಪ್ರಧಾನಿ ಫ್ಯೂಮಿಯೊ ಕಿಶಿಡಾ ಅವರು ಎರಡು ದಿನಗಳ ಭಾರತ ಭೇಟಿಗಾಗಿ ಇಂದು ಬೆಳಗ್ಗೆ ನವದೆಹಲಿಗೆ ಆಗಮಿಸಿದ್ದಾರೆ. ಇವರನ್ನು ವಿಮಾನ ನಿಲ್ದಾಣದಲ್ಲಿ ಕೇಂದ್ರ ಸಚಿವ ರಾಜೀವ್ ಚಂದ್ರಶೇಖರ್ ಅವರುಆತ್ಮೀಯವಾಗಿ ಬರಮಾಡಿಕೊಂಡರು.

  ಪ್ರಧಾನಿ ಕಿಶಿದಾ ಅವರು ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟಿ ಮಾಡಿ ಮಾತುಕತೆ ನಡೆಸಲಿದ್ದಾರೆ. ಸಭೆಯಲ್ಲಿಎರಡೂ ಕಡೆಯವರು ಪರಸ್ಪರ ಹಿತಾಸಕ್ತಿಯ ದ್ವಿಪಕ್ಷೀಯ ಮತ್ತು ಪ್ರಾದೇಶಿಕ ವಿಷಯಗಳ ಬಗ್ಗೆ ಚರ್ಚೆ ನಡೆಸಲಿದ್ದಾರೆ.

  ಭಾರತ ಮತ್ತು ಜಪಾನ್ ಜಿ 20 ಮತ್ತು ಜಿ 7ನ ಅಧ್ಯಕ್ಷ ಸ್ಥಾನಗಳನ್ನು ಹೊಂದಿರುವ ಸಮಯದಲ್ಲಿ ಉಭಯ ಪ್ರಧಾನಿಗಳ ನಡುವಿನ ಮಾತುಕತೆ ಮಹತ್ವವನ್ನು ಪಡೆದಿದೆ.

  ಇನ್ನು ಉಭಯ ಪ್ರಧಾನಿಗಳು ಬಳಿಕ ಗೌತಮ ಬುದ್ಧ ಧ್ಯಾನಸ್ಥನಾಗಿದ್ದರು ಎನ್ನಲಾದ ಬಾಲ ಬೋಧಿ ವೃಕ್ಷವಿರುವ ಬುದ್ಧ ಜಯಂತಿ ಉದ್ಯಾನವನಕ್ಕೆ ಭೇಟಿ ನೀಡಲಿದ್ದಾರೆ.

  ಉಭಯ ನಾಯಕರು ಪರಸ್ಪರ ಹಿತಾಸಕ್ತಿಯ ದ್ವಿಪಕ್ಷೀಯ ಮತ್ತು ಪ್ರಾದೇಶಿಕ ವಿಷಯಗಳ ಕುರಿತು ಚರ್ಚಿಸಲಿದ್ದಾರೆ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ಮಾರ್ಚ್ 10 ರಂದು ಅಧಿಕೃತ ಪ್ರಕಟಣೆಯಲ್ಲಿ ತಿಳಿಸಿದೆ.