ಮಂಟಪದಲ್ಲೇ ಕುಡಿದು ತೂರಾಡಿದ ವರ-ಮದುವೆ ರದ್ದುಗೊಳಿಸಿದ ವಧು

•   Sat, Mar 11 2023 01:31:59 PM



• ಅಸ್ಸಾಂ, ಮಾ 11 (DaijiworldNews/DB): ಮದ್ಯಪಾನ ಮಾಡಿ ಮದುವೆ ಮಂಟಪದಲ್ಲಿ ತೂರಾಡುತ್ತಿದ್ದ ವರನನ್ನು ವಧು ಮಂಟಪದಲ್ಲೇ ತಿರಸ್ಕಾರ ಮಾಡಿ ಮದುವೆ ರದ್ದುಗೊಳಿಸಿದ ಘಟನೆ ಅಸ್ಸಾಂನಲ್ಲಿ ನಡೆದಿದೆ.

  ಅಸ್ಸಾಂನ ನಲ್ಬರಿ ಎಂಬಲ್ಲಿ ಘಟನೆ ನಡೆದಿದೆ. ಮದುವೆ ಮಂಟಪದಲ್ಲಿ ಹಸೆಮಣೆ ಮೇಲೆ ಕುಳಿತಿದ್ದ ವರನಿಗೆ ಅರ್ಚಕರು ಮದುವೆಯ ಶಾಸ್ತ್ರಗಳನ್ನು ಹೇಳಿಕೊಡುತ್ತಿದ್ದರೂ ಕೇಳಿಸಿಕೊಳ್ಳುವ ಪರಿಸ್ಥಿತಿಯಲ್ಲಿ ಆತ ಇರಲಿಲ್ಲ..ಕುಡಿದ ಅಮಲಿನಲ್ಲಿ ಮಂಟಪದಲ್ಲಿ ಕುಳಿತಲ್ಲೇ ತೂರಾಡುತ್ತಾ ಕೊನೆಗೆ ಪಕ್ಕದಲ್ಲಿ ಇದ್ದವರ ಮೇಲೆ ಮಲಗಿದ್ದಾನೆ.

  ವರನ ಅವಸ್ಥೆ ನೋಡಿದ ವಧು ಇಂತಹ ವರನನ್ನು ಮದುವೆಯಾಗಲಾರೆ ಎಂದು ಮದುವೆಯನ್ನೇ ರದ್ದು ಮಾಡಿದ್ದಾಳೆ. ಬಳಿಕ ವಧುವಿನ ಕುಟುಂಬ ಸಮೇತ ನಲ್ಬರಿ ಪೊಲೀಸ್ ಠಾಣೆಗೆ ತೆರಳಿ ಮದುವೆಗೆ ಖರ್ಚು ಮಾಡಿದ ಹಣವನ್ನು ವಾಪಾಸ್ ಕೊಡಿಸಬೇಕು ಎಂದು ವರನ ಮನೆಯವರ ವಿರುದ್ದ ದೂರು ದಾಖಲಿಸಿದ್ದಾರೆ.

  ವರ ಮಾತ್ರವಲ್ಲದೆ ಆತನ ತಂದೆ, ಕುಟುಂಬದ ಇನ್ನೂ ಹಲವರು ಕುಡಿದೇ ಮದುವೆಗೆ ಬಂದಿದ್ದಾರೆ ಎಂದು ವಧು ಕಡೆಯವರು ದೂರಿದ್ದಾರೆ.