ಪಾಕ್ ಏಜೆಂಟ್‌ಗಳಿಗೆ ಸಿಮ್ ಕಾರ್ಡ್ ಸರಬರಾಜು - ಅಸ್ಸಾಂನಲ್ಲಿ ಐವರು ಪೊಲೀಸರ ವಶಕ್ಕೆ

•   Wed, Mar 08 2023 03:30:26 PM



• ನವದೆಹಲಿ, ಮಾ 08 (DaijiworldNews/HR): ಪಾಕಿಸ್ತಾನಿ ಏಜೆಂಟ್‌ಗಳಿಗೆ ಸಿಮ್ ಕಾರ್ಡ್‌ಗಳನ್ನು ಸರಬರಾಜು ಮಾಡುತ್ತಿದ್ದ ಆರೋಪದ ಮೇಲೆ ಅಸ್ಸಾಂನ ನಾಗಾಂವ್ ಮತ್ತು ಮೊರಿಗಾಂವ್ ಜಿಲ್ಲೆಗಳಲ್ಲಿ ಐವರನ್ನು ಪೊಲೀಸರು ಬಂಧಿಸಿದ್ದಾರೆ.

  ಈ ಕುರಿತು ಮಾಹಿತಿ ನೀಡಿರುವ ಅಸ್ಸಾಂ ಪೊಲೀಸ್ ವಕ್ತಾರ ಪ್ರಶಾಂತ ಭುಯಾನ್, ಇಂಟೆಲಿಜೆನ್ಸ್ ಬ್ಯೂರೋ ಮತ್ತು ಇತರ ಮೂಲಗಳ ಮಾಹಿತಿಯ ಆಧಾರದ ಮೇಲೆ ಮಂಗಳವಾರ ರಾತ್ರಿ ನಡೆಸಿದ ಕಾರ್ಯಾಚರಣೆಯಲ್ಲಿ ಬಂಧಿಸಲಾಗಿದೆ ಎಂದು ತಿಳಿಸಿದ್ದಾರೆ.

  ಇನ್ನು ವಿದೇಶಿ ರಾಯಭಾರಿ ಕಚೇರಿಯೊಂದಿಗೆ ರಕ್ಷಣಾ ಮಾಹಿತಿಯನ್ನು ಹಂಚಿಕೊಳ್ಳಲು ಬಳಸಿದ ಹ್ಯಾಂಡ್‌ಸೆಟ್ ಸೇರಿದಂತೆ ಹಲವಾರು ಮೊಬೈಲ್ ಫೋನ್‌ಗಳು, ಸಿಮ್ ಕಾರ್ಡ್‌ಗಳು ಮತ್ತು ಇತರ ದೋಷಾರೋಪಣೆ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ.