ಲೈವ್‌ ಮ್ಯಾಚ್‌ನಲ್ಲಿ ಪಠಾಣ್ ಚಿತ್ರದ ಹಾಡಿಗೆ ಸ್ಟೆಪ್ ಹಾಕಿದ ಕೊಹ್ಲಿ-ಸಾಥ್ ನೀಡಿದ ಜಡೇಜಾ

•   Sun, Feb 12 2023 01:51:31 PM



• ನಾಗ್ಪುರ, ಫೆ 12 (DaijiworldNews/DB): ನಾಗ್ಪುರ ಟೆಸ್ಟ್‌ನಲ್ಲಿ ಟೀಂ ಇಂಡಿಯಾವು ಬಲಿಷ್ಠ ಆಸ್ಟ್ರೇಲಿಯಾ ತಂಡವನ್ನು ಹೀನಾಯವಾಗಿ ಸೋಲಿಸಿದೆ. ಆ ಮೂಲಕ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ ಫೈನಲ್‌ಗೆ ಭಾರತದ ಸ್ಥಾನ ಖಾತ್ರಿಯಾಗಿದೆ.

  ಇನ್ನು ಈ ಪಂದ್ಯದಲ್ಲಿ ಕೊಹ್ಲಿ 12 ರನ್​ಗಳಿಗೆ ಔಟ್ ಆದರೆ ಮೂರು ಕ್ಯಾಚ್‌ ಬಿಟ್ಟು ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾದರು. ಆದಾಗ್ಯೂ ಕೊಹ್ಲಿ ಇದ್ಯಾವುದಕ್ಕೂ ತಲೆ ಕೆಡಿಸಿಕೊಳ್ಳಲದೆ ಇತ್ತೀಚೆಗೆ ಬಿಡುಗಡೆಯಾದ ಪಠಾಣ್ ಚಿತ್ರದ ಹಾಡಿಗೆ ಮೈದಾನದಲ್ಲೇ ಸ್ಟೆಪ್ ಹಾಕಿದರು. ಅವರಿಗೆ ರವೀಂದ್ರ ಜಡೇಜಾ ಸಾಥ್ ನೀಡಿದರು. ಸದ್ಯ ಈ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಕೊಹ್ಲಿ ಡ್ಯಾನ್ಸ್‌ಗೆ ಅಭಿಮಾನಿಗಳು ತಲೆದೂಗಿದ್ದಾರೆ.

  ಐದು ದಿನದಲ್ಲಿ ಮುಕ್ತಾಯವಾಗಬೇಕಿದ್ದ ಪಂದ್ಯ ಟೀಂ ಇಂಡಿಯಾ ಗೆಲುವಿನೊಂದಿಗೆ ಮೂರೇ ದಿನದಲ್ಲಿ ಮುಕ್ತಾಯಗೊಂಡಿದೆ. ಮೂರನೇ ದಿನದಂದು ಎರಡನೇ ಇನ್ನಿಂಗ್ಸ್ ಆರಂಭಿಸಲು ಆಸ್ಟ್ರೇಲಿಯಾ ತಂಡ ಸಜ್ಜಾಗುತ್ತಿದ್ದಂತೆ ಬೌಂಡರಿ ಬಳಿ ಮೈದಾನ ಪ್ರವೇಶಕ್ಕೆ ಭಾರತ ಉತ್ಸುಕವಾಗಿತ್ತು. ಈ ವೇಳೆ ಕೊಹ್ಲಿ ಪಠಾಣ್ ಮೂವಿಯ ‘ಜುಮೆ ಜೋ ಪಠಾಣ್’ ಹಾಡಿಗೆ ಇದ್ದಕ್ಕಿದ್ದಂತೆ ನೃತ್ಯ ಮಾಡಲು ಆರಂಭಿಸಿದರು. ರವೀಂದ್ರ ಜಡೇಜಾ ಅವರೂ ಆ ವೇಳೆ ಕೊಹ್ಲಿ ಜೊತೆಗಿದ್ದರು. ಕೊಹ್ಲಿ ಸ್ಟೆಪ್ ಹಾಕುವುದನ್ನು ನೋಡಿ ಜಡೇಜಾ ಕೂಡಾ ಅವರಂತೆಯೇ ಡ್ಯಾನ್ಸ್ ಮಾಡಲು ಶುರು ಮಾಡಿದರು. ಆದರೆ ಕೊಹ್ಲಿಯೊಂದಿಗೆ ಸ್ಟೆಪ್ ಹಾಕಲು ಸಾಧ್ಯವಾಗದೆ ಜಡೇಜಾ ಸುಮ್ಮನಾದರು.

  ಇನ್ನು ಕೊಹ್ಲಿ ಸ್ಟೆಪ್ ಹಾಕುತ್ತಿರುವ ವೀಡಿಯೋವನ್ನು ಅಭಿಮಾನಿಯೊಬ್ಬರು ಟ್ವಿಟರ್‌ನಲ್ಲಿ ಪೋಸ್ಟ್ ಮಾಡಿದ್ದು, ಕೊಹ್ಲಿ ಎಂದರೆ ಇದು. ಪಂದ್ಯದಲ್ಲಿ ಪ್ರದರ್ಶನ ಕಡಿಮೆ ಇದ್ದರೂ, ತಮ್ಮ ಸ್ಟೈಲ್‌ನಿಂದ ಅಭಿಮಾನಿಗಳನ್ನು ರಂಜಿಸಲು ಅವರು ಸದಾ ಸಿದ್ದ ಎಂದು ಬರೆದುಕೊಂಡಿದ್ದಾರೆ. ಈ ವೀಡಿಯೋ ಸಖತ್ ಶೇರ್ ಆಗಿದೆ.

  That’s Kohli 🥰… nothing Do in game But he give his moves So can Add A movement #jhum #ViratKohli𓃵 #Pathaan #INDvsAUS #BorderGavaskarTrophy2023 movement pic.twitter.com/5BuTrjstMp

  — Sartaj  🇮🇳 (@i_amSartaj) February 11, 2023