ಮಂಗಳೂರು: ಬಾಲ ಬಿಚ್ಚಿದ್ರೆ ಹುಷಾರ್ ! - 200 ಕ್ಕೂ ಮಿಕ್ಕ ರೌಡಿಗಳ ಚಳಿ ಬಿಡಿಸಿದ ಸಂದೀಪ್ ಪಾಟೀಲ್

•   Thu, Mar 14 2019 11:17:47 AM



• ಮಂಗಳೂರು, ಮಾ 14 (MSP): ಲೋಕಸಭಾ ಚುನಾವಣೆ ಹತ್ತಿರ ಬರುತ್ತಿದೆ, ನೀವೇನಾದ್ರೂ ನಿಮ್ಮ ರೌಡಿ ಬುದ್ದಿ ತೋರಿಸಿದ್ರೆ ಹುಷಾರ್ ! ಕಾನೂನು ಬಾಹಿರ ಚಟುವಟಿಕೆಗಳಲ್ಲಿ ಭಾಗಿಯಾಗಿರುವುದು ಕಂಡು ಬಂದಲ್ಲಿ ಕಠಿಣ ಕಾನೂನು ಕ್ರಮ ಕೈಗೊಳ್ಳಬೇಕಾಗುತ್ತದೆ ಎಂದು 100 ಕ್ಕೂ ಮಿಕ್ಕ ರೌಡಿ ಗಳಿಗೆ ನಗರ ಪೊಲೀಸ್ ಆಯುಕ್ತ ಡಾ ಸಂದೀಪ್ ಪಾಟೀಲ್ ಖಡಕ್ ವಾರ್ನಿಂಗ್ ನೀಡಿದ್ದಾರೆ.

  

  

  

  

  

  

  ಮುಂಬರುವ ಲೋಕಸಭಾ ಚುನಾವಣೆ ಹಿನ್ನಲೆಯಲ್ಲಿ ಮಾ.14 ರ ಗುರುವಾರ ನಗರದ ಪೊಲೀಸ್ ಗ್ರೌಂಡ್ ನಲ್ಲಿ, ಕಮಿಷನರೇಟ್ ವ್ಯಾಪ್ತಿಯ 17 ಠಾಣೆಗಳ 200ಕ್ಕೂ  ಹೆಚ್ಚು ರೌಡಿ ಶೀಟರ್​ಗಳನ್ನು ಕರೆಸಿ, ಪೆರೇಡ್ ನಡೆಸಿ ಪೂರ್ವಪರ ಮತ್ತು ಪ್ರಸ್ತುತ ಏನು ಕೆಲಸ ಮಾಡುತ್ತಿದ್ದಾರೆ ಎಂಬುದರ ಕುರಿತಾದ ಮಾಹಿತಿ ಪಡೆದರು.

  ಈ ವೇಳೆ ರೌಡಿಗಳಿಗೆ "ಚುನಾವಣೆ ವೇಳೆಯಲ್ಲಿ ಶಾಂತಿ ಕಾಪಾಡುವಂತೆ ಸೂಚಿಸಿದ ಅವರು, ಯಾವುದೇ ಅಹಿತಕರ ಘಟನೆಗಳಲ್ಲಿ ಶಾಮೀಲಾಗಬೇಡಿ ಎಂದು ಎಚ್ಚರಿಕೆ ನೀಡಿದರು. ಕಾನೂನು ಬಾಹಿರ ಚಟುವಟಿಕೆ ಗಳಲ್ಲಿ ತೊಡಗಿದರೆ ಕಠಿಣ ಕ್ರಮ ಕೈಗೊಳುವುದಾಗಿ ಎಚ್ಚರಿಕೆ ನೀಡಿದ ಅವರು ಎಲ್ಲರಿಂದರೂ ಮುಚ್ಚಳಿಕೆ ಪತ್ರ ಪಡೆದರು.