ಮಂಗಳೂರು: ನಿಗದಿಪಡಿಸಿದ ಸಮಯದೊಳಗೆ ಪಬ್ ಮುಚ್ಚದಿದ್ದರೆ ಕಠಿಣ ಕ್ರಮ - ಪೊಲೀಸ್ ಆಯುಕ್ತ

•   Thu, Mar 14 2019 10:49:03 AM



• ಮಂಗಳೂರು,ಮಾ 14 (MSP): ನಗರದಲ್ಲಿರುವ ಎಲ್ಲ ಪಬ್ ಗಳನ್ನು ಲೈಸನ್ಸ್ ಪ್ರಕಾರ ಸರ್ಕಾರ ನಿಗದಿಪಡಿಸಿದ ಸಮಯದೊಳಗೆ ಪಬ್ ಮುಚ್ಚುವಂತೆ ಹಾಗೂ ಪಬ್ ಒಳಗಡೆ ಮತ್ತು ಹೊರಗಡೆ ಕಡ್ಡಾಯವಾಗಿ ಸಿಸಿಟಿವಿ ಕ್ಯಾಮೆರಾಗಳನ್ನು ಆಳವಡಿಸುವಂತೆ ಪೊಲೀಸ್ ಕಮಿಷನರ್ ಸಂದೀಪ್ ಪಾಟೀಲ್ ಸೂಚನೆ ನೀಡಿದ್ದಾರೆ.

  

  ಪಬ್ ಗಳಲ್ಲಿ ಡ್ರಗ್ಸ್ ಸೇವನೆ ಆಗದಂತೆ ನೋಡಿಕೊಳ್ಳಬೇಕು ಹಾಗೂ ಮಹಿಳೆಯರ ಸುರಕ್ಷೆ ಬಗ್ಗೆ ಅಗತ್ಯ ಕ್ರಮ ಕೈಗೊಳ್ಳುವಂತೆಯೂ ಪಬ್ ಮಾಲಕರಿಗೆ ಸೂಚನೆ ನೀಡಲಾಗಿದೆ ಎಂದು ಕಮಿಷನರ್ ತಿಳಿಸಿದ್ದಾರೆ.

  ನಗರದಲ್ಲಿ ಕೆಲವು ಪಬ್ ಗಳು ತಡ ರಾತ್ರಿ ತನಕ ಕಾರ್ಯಾಚರಿಸುತ್ತಿದ್ದ ಇದರಿಂದ ಸಾರ್ವಜನಿಕರಿಗೆ ತೊಂದರೆ ಆಗುತ್ತಿದೆ.ಅಲ್ಲದೆ ಕುಡಿದು ವಾಹನ ಚಲಾಯಿಸುವವರ ವಿರುದ್ದ ಕ್ರಮ ಜರಗಿಸಬೇಕು ಎಂದು ಸಾರ್ವಜನಿಕರಿಂದ ಅನೇಕ ದೂರುಗಳು ಬರುತ್ತಿದ್ದು ಈ ಹಿನ್ನಲೆಯಲ್ಲಿ ಪಬ್ ಗಳ ಮಾಲಕರನ್ನು ಕರೆದು ಸಭೆ ನಡೆಸಿ ಸೂಕ್ತ ಸೂಚನೆ ನೀಡಲಾಗಿದೆ ಎಂದವರು ವಿವರಿಸಿದ್ದಾರೆ.