ಚೀನಾದ ಬೇಹುಗಾರಿಕಾ ಬಲೂನ್ ಹೊಡೆದುರುಳಿಸಿದ ಅಮೆರಿಕ

•   Sun, Feb 05 2023 09:25:38 AM



• ವಾಷಿಂಗ್ಟನ್, ಫೆ 06 ( DaijiworldNews/MS): ಅಮೇರಿಕಾದ ಭದ್ರತಾ ಸೂಕ್ಷ್ಮ ಪ್ರದೇಶದ ಮೇಲೆ ಕಾಣಿಸಿಕೊಂಡಿದ್ದ ಚೀನಾದ ಅನುಮಾನಾಸ್ಪದ ಪತ್ತೇದಾರಿ ಬಲೂನ್ ಅನ್ನು​ ಪೆಂಟಗನ್ ನ(ಅಮೆರಿಕದ ರಕ್ಷಣಾ ಇಲಾಖೆಯ ಪ್ರಧಾನ ಕಚೇರಿ) ಫೈಟರ್‌ ಜೆಟ್‌ ಶನಿವಾರ ಹೊಡೆದುರುಳಿಸಿದೆ.

  ಉತ್ತರ ಅಮೆರಿಕ ಸುತ್ತಲೂ ಇರುವ ಸೂಕ್ಷ್ಮ ಸೇನಾ ನೆಲೆಗಳಲ್ಲಿ ಬಲೂನ್​ ಗೂಢಾಚಾರಿಕೆ ಮಾಡುತ್ತಿದೆ ಎಂದು ಕೆಲದಿನಗಳ ಹಿಂದೆ ಅಮೆರಿಕ, ಚೀನಾ ವಿರುದ್ಧ ಆರೋಪ ಮಾಡಿತ್ತು.ಕಾರ್ಯಾಚರಣೆ ಬಳಿಕ ಇದು ಚೀನಾದಿಂದ ಆಗಿರುವ ಅಮೆರಿಕ ಸಾರ್ವಭೌಮತೆಯ ಉಲ್ಲಂಘನೆ ಎಂದು ಪೆಂಟಗನ್‌ ಹೇಳಿದೆ.

  ಈ ಘಟನೆಯ ಬಗ್ಗೆ ಪತ್ರಿಕಾ ಹೇಳಿಕೆ ಬಿಡುಗಡೆ ಮಾಡಿರುವ ರಕ್ಷಣಾ ಕಾರ್ಯದರ್ಶಿ ಲಾಯ್ಡ್​ ಆಸ್ಟಿನ್​, "ಇಂದಿನ ಉದ್ದೇಶಪೂರ್ವಕ ಮತ್ತು ಕಾನೂನುಬದ್ಧ ಕ್ರಮ ಆಗಿದೆ" ಎಂದು ಹೇಳಿದ್ದಾರೆ.

  ಘಟನೆಗೆ ಸಂಬಂಧಿಸಿದ ವಿಡಿಯೋ ಸಹ ವೈರಲ್​ ಆಗಿದ್ದು, ಬಲೂನ್​ಗೆ ಶೂಟ್​ ಮಾಡಿದಾಗ ಸಣ್ಣದಾಗಿ ಸ್ಫೋಟಗೊಂಡ ಬಲೂನ್​ ನೀರಿಗೆ ಬೀಳುವ ದೃಶ್ಯ ಸೆರೆಯಾಗಿದೆ.

  ಸದ್ಯ ಹೊಡೆದುರುಳಿಸಲಾಗಿರುವ ಬಲೂಲ್‌ ಮತ್ತು ಅದರೊಳಗಿನ ಸಾಧನಗಳನ್ನು ಪತ್ತೆ ಮಾಡಲು ಕಾರ್ಯಾಚರಣೆ ಆರಂಭವಾಗಿದೆ ಎಂದು ಪೆಂಟಗನ್‌ ತಿಳಿಸಿದೆ.