ಹೃದಯಾಘಾತವಾಗಿ ವಿಧಿ ವಿಜ್ಞಾನ ತಜ್ಞ ಡಾ.ಭಗವಾನ್ ನಿಧನ

•   Sat, Feb 04 2023 12:43:35 PM



• ಬೆಂಗಳೂರು, ಫೆ 04 ( DaijiworldNews/MS): ದೇಶದಲ್ಲಿ ಕುಸಿದು ಬಿದ್ದು ಹೃದಯಾಘಾತಕ್ಕೆ ಒಳಗಾಗುವ ಪ್ರಕರಣ ದಿನೇದಿನೆ ಜಾಸ್ತಿಯಾಗುತ್ತಿದ್ದು, ಇಂದು ಚಲಿಸುತ್ತಿದ್ದ ಕಾರಿನಲ್ಲೇ ಹಾರ್ಟ್‌ ಅಟ್ಯಾಕ್‌ ಆಗಿ ವಿಧಿ ವಿಜ್ಞಾನ ತಜ್ಞ ಡಾ.ಭಗವಾನ್​ ನಿಧನರಾದ ಘಟನೆ ಚಿಕ್ಕಬಳ್ಳಾಪುರದಲ್ಲಿ ನಡೆದಿದೆ.

  ಇಲ್ಲಿನ ಮೆಡಿಕಲ್ ಕಾಲೇಜು ವೈದ್ಯ ಭಗವಾನ್ ಕರ್ತವ್ಯ ಮುಗಿಸಿ ಕಾರಿನ ಹಿಂಬದಿ ಕುಳಿತು ಪ್ರಯಾಣಿಸುತ್ತಿದ್ದರು. ತಮ್ಮ ಚಾಲಕನಿಗೆ ತಲೆಸುತ್ತು ಬರುತ್ತಿದೆ ಎಂದು ಹೇಳುವಷ್ಟರಲ್ಲಿ ಕಾರಿನಲ್ಲಿ ಕುಸಿದು ಬಿದ್ದಿದ್ದಾರೆ. ತಕ್ಷಣ ಆಸ್ಪತ್ರೆಗೆ ಕರೆತರಲಾದರೂ ಅಷ್ಟರಲ್ಲಾಗಲೇ ಅಸುನೀಗಿದ್ದಾರೆ.

  ಪತ್ನಿ, ಇಬ್ಬರು ಮಕ್ಕಳನ್ನು ಭಗವಾನ್ ಅಗಲಿದ್ದಾರೆ. ಕಳೆದ ಐದು ವರ್ಷಗಳಿಂದ ಡಾ.ಭಗವಾನ್ ಚಿಕ್ಕಬಳ್ಳಾಪುರ ಆಸ್ಪತ್ರೆಯಲ್ಲಿ ಕೆಲಸ ಮಾಡುತ್ತಿದ್ದರು.